ConceyosEducaciónSociedá Berta Piñán inaugura esti llunes los cursos de la UABRA 2019 by redacción asturnews 29 de xunetu, 2019 written by redacción asturnews 29 de xunetu, 2019 113 La nueva Conseyera de Cultura del Principáu d’Asturies, Berta Piñán, va ser la encargada d’inaugurar esti llunes 29 de xunetu a les 13 hores los cursos de la Universidá Asturianu de Branu, UABRA 2019 en Cangas del Narcea. Tres de la inauguración, y a lo llargo de les próximes dos selmanaes van desenvolvese na Escuela Hogar de la capital del Narcea dellos cursos: Cursu Elemental de Llingua Asturiana [Más información] [Horariu] Cursu Avanzáu de Llingua Asturiana [Más información] [Horariu] Cursos d’Afondamientu Cultural y Llingüísticu [Más información] Capacitación pa la traducción al asturianu [Horariu] El patrimoniu cultural asturianu: un averamientu dende l’enguedeyu de lo tanxible y lo intanxible [Horariu] De la lletra al testu: taller d’escritura creativa [Horariu] Cursos en collaboración cola Universidá d’Uviéu [Más información] Curso de Gallego-Asturiano (Primeira Fase) [Más información] [Horario] CONFERENCIES Y CONCIERTOS Esti añu, otra vuleta, ufrirase alumnáu y a los veinos de la zona delles actividaes como conferencies, esposiciones y conciertos. Mañana martes 30 de xunetu a les 19 hores nel Salón d’Actos de la Escuela-Hogar, Víctor M. Vázquez (Biólogu y miembru numberariu del RIDEA) falará sobro «L’osu n’Asturies: implicaciones sociales y económiques». El xueves 1 d’agostu a la mesma hora y nel mesmu llugar falará Cristóbal Ruitiña Testa (Periodista y redactor de la rtpa) sobro «Úa television pública al servicio d’Asturias». Y el martes 6 d’agostu fadralo Raúl Suevos (Analista de Seguridá Internacional) alrodiu de «La política de defensa n’Europa. Análisis xeopolíticu y alternatives». Polo que cinca a los conciertos sedrán dos y celebraranse nel Teatru Toreno a les 22:30 hores. El miércoles 31 de xunetu actuará’l dúo L-R y el miércoles 7 d’agostu fadralo A comuna del barruzo. Del 29 de xunetu al 9 d’agostu. la esposición «Voces. La llingua asturiana al traviés de los sieglos» podrá vese na Casa de la Cultura «Palaciu d’Oumaña» de Cangas. Estos Cursos tienen reconocencia oficial per parte de la Conseyería d’Educación del Principáu d’Asturies, darréu de l’acreitación de l’ALLA como “Entidá Organizadora d’Actividaes de Formación Permanente del Profesoráu”. Ello afita a tolos efeutos la reconocencia d’estos Programes Formativos dende’l puntu de vista alministrativu (currículum, méritos, sexenios, etc.) pal profesoráu d’Educación Primaria y Secundaria del Principáu d’Asturies. Los horarios definitivos de los cursos que formen la Universidá Asturiana de Branu (UABRA) d’esti añu lleven ya díes a disposición d’alumnáu, profesoráu y cualesquier persona interesada, tanto no que cinca a la primer fase de capacitación en gallego-asturianu, niveles elemental y avanzáu de llingua asturiana y afondamientos culturales y llingüísticos (capacitación pa la traducción, taller d’escritura creativa y patrimoniu asturianu). 0 FacebookTwitterPinterestEmail Anterior Baxen les notes de corte na nueva axudicación de places de la Universidá siguiente La fiebre del reggaetón sigue reinando en YouTube Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Barry B pieslla’l cartelu del Festival VESU