Berta Piñán gana tamién el Xosefa Xovellanos de 2017

Berta Piñán gana tamién el Xosefa Xovellanos de 2017
30 19:25 2017 Imprimir

Berta Piñán, que venía d’algamar esti mes pasáu de payares el Premiu maría Josefa Canellada de Lliteratura infantil, facíase esti xueves caberu de mes col Xosefa Xovellanos de novela tamién cola novela “Como la muda al sol d’una llagartesa”.

La obra qu’algmó’l gallardón y que lleva’l títulu de “Como la muda al sol d’una llagartesa” foi escoyida pol xuráu per “la complexidá narrativa d’una historia bien trabada, con munchos personaxes y que caltién l’interés a lo llargo de la llectura”.

Un xuráu el d’esta XXXVIII edición del Xosefa Xovellanos que taba formáu pol director xeneral de Planificación Llingüística y Normalización, Fernando Padilla, como presidente, y los escritores Xulio Arbesú Rodríguez –ganador del añu anterior–, Laura Marcos y Miguel Rojo, amás de l’asesora técnica del Serviciu de Planificación Llingüística y Normalización, Juncal García Velasco, que fixo de secretaria.

Berta Piñán (Cangues d’Onís, 1963) ye una escritora de prestixu reconocíu dientro de la lliteratura asturiana y Miembru de Númberu de l’’Academia de la Llingua Asturiana dende 2008. De magar qu’en 1985 ganara’’l Premiu de Poesía de l’’ALLA por Al abellu les besties, tien publicaes numberoses obres que van del ensayu de temática sociollingüística o femenista, a la narrativa, pasando pela poesía, xéneru nel que collechó la mayor parte de los premios, ente los que descaca’’l Premiu de Poesía Teodoro Cuesta en 1991 por Vida Privada.

Dientro de la lliteratura infantil y xuvenil tien publicao Lula, lulina en 1995, Les coses que-y presten a Fran (2005), L’estranxeru (2005) y Arroz, agua y maíz (2010), publicaes estes tres últimes en versión castellana y asturiana.

  Categories:
Loading Facebook Comments ...