Portada Lliteratura Bélxica celebra’l 90 aniversariu del primer volume de Tintín

Bélxica celebra’l 90 aniversariu del primer volume de Tintín

by redacción asturnews
Foto: Chase Elliott Clark (https://www.flickr.com/photos/chasblackman/)

Bélxica celebra dende esti xueves y hasta el domingu’l 90 aniversariu del llanzamientu de Tintín nel país de los soviets, el primer volume d’esti famosu personaxe de cómic belga, con diversos actos centraos nel segundu númberu de les aventures del reporteru, que se desenvuelve nel Congo.

El principal actu d’esti xueves foi un alderique tituláu “El Congo de Tintín”, nel que participaron en Bruxeles personalidaes qu’estudiaron el mundu de Georges Remi (Hergé), ceador del polifacéticu personaxe.

De la mesma, mientres el fin de selmana celebraranse dos eventos enmarcaos nesti cumpleaños: el sábadu, na Galería Tintín©Hergé de Bruxeles, va entamase una prueba sobro la conocencia y les peripecies de Tintín, acompañada de la presentación de la nueva y coloriada edición de Tintín nel Congo y la presentación del últimu llibru del espertu Philippe Goddin.

Na localidá de Lovaina la Nueva, mientres la xornada del domingu, el Muséu Hergé va amosar “per primer vegada y de forma escepcional” una serie de planches orixinales en blancu y negru d’esi segundu álbum al pie de les qu’acaben de ser coloriaes y retocaes, amás de presentase tamién la obra de Goddin.

Tintín, el reporteru más famosu de la hestoria de la narrativa gráfica llega a esta cita amenando la mesma almiración ente estudiosos y artistes de toles xeneraciones, y el plasmu ente’l públicu más nuevu.

Dempués de la publicación en color en 2017 del primer volume de la saga, Tintín nel país de los soviets -l’únicu que nun fuera reeditáu en color hasta la fecha-, la empresa creada pa protexer y promover el trabayu de Hergé, Moulinsart, escoyó pa esta ocasión el segundu de los álbumes dibuxaos pol xeniu belga. D’esta miente, el volume de les aventures de Tintín ambientáu n’África na dómina colonial foi oxetu d’una nueva edición, basada en planches orixinales dafechu restauraes y coloriaes con técniques del sieglu XXI con un estilu cercanu al del so autor. Una saga qu’entá vería nacer ventidós hestories más, hasta 1986, añu nel que finó l’autor y nel que Casterman, editorial que tien los derechos, y la Fundación Hergé, publicaron de forma póstuma Tintín y l’Arte-Alfa.

Tamién te podria gustar