Música Bebe, Lunáticos, Dixebra y Xuacu Amieva pondrán-y música a la Selmana Negra by asturnet 5 de xunetu, 2004 written by asturnet 5 de xunetu, 2004 34 Sones ‘timberos’, pieces sinfóniques, puru rock and roll y temes con acentu asturianu. La XVII edición de la Selmana Negra, que se cellebra en Xixón ente’l prósimu vienres y el 18 de xunetu, subirá al so escenariu central a un garrapiellu heteroxéneu de solistes y bandes nel que figuren Bebe, Lunáticos, Dixebra, Xuacu Amieva, Long Riders y la Orquesta Nacional de Barbès A tres xornaes del empiezu’l festival, que repite allugamientu na oriella izquierda’l ríu Piles y destaca nesta edición la so vertiente lliteraria, los organizadores de la Selmana Negra ultimen el montaxe d’un recintu que’l mesmu vienres animarán los cubanos NG La Banda, a partir de la hora que sedrá habitual nos conciertos que se cellebren nel escenariu central: les 23 hores. Long Riders garrarán el relevu al otru día, sábadu 10, y el gaiteru Xuacu Amieva sedrá l’encargáu d’abrir el domingu 11 de xunetu cuatro xornaes d’actuaciones d’artistes asturianos: El veteranu rock de Dixebra sonará nel escenariu de la Selmana na nueche’l llunes 12, los xixoneses Manta Ray tocarán el martes 13 y la Orquesta de Cámara del Nalón interpretará el miércoles 14 un repertoriu qu’inclúi pasaxes de la banda sonora del llargumetraxe ‘Psicosis’. Nel tramu caberu del festival, la solista Bebe presentará’l so primer trabayu discográficu, ‘Pafuera telarañas’, el xueves 15, y Los Lunáticos -dúu formáu pol ex guitarrista de M-Clan Santi Campillo y por Miguel Bañón- actuarán na nueche’l vienres 16 de xunetu. La espuela musical de la XVII Selmana Negra correspuende-y esti añu, el sábadu 17, a la Orquesta Nacional de Barbès, un conxuntu entamáu nesi barriu parisín por músicos africanos d’estremada procedencia enfotaos n’amestar los sones tradicionales de les sos respectives tierres con innovaciones n’estructures y melodíes. Programa íntegru de la XVII Selmana Negra 0 FacebookTwitterPinterestEmail Anterior Cultura paraliza los convenios pa crear servicios de normalización nos conceyos siguiente Un organismu internacional distingue un llibru de García Oliva pola so promoción de valores “humanos” Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón