Basura a barcalaes: La esposición treslladase al Acuariu de Xixón

Basura a barcalaes: La esposición treslladase al Acuariu de Xixón
22 ochobre 08:48 2018 Imprimir

Tres dos meses nel Puertu Deportivu, y a la vista del interés, decidióse aumentar el periodu d’esposición de Basura a barcalaes, previstu hasta’l 5 de payares, y el so treslláu a la redolada del Acuariu de Xixón, equipamientu emblemáticu de la ciudá y centru referencia en materia de concienciación sobro la protección de los nuesos océanos y les especies que los habiten.

Esta atanante esposición, entamada pol Conceyu de Xixón yla Autoridá Portuaria, pretende concenciar a tolos ciudadanos de que ye imprescindible que la nuesa basura nun termine nel mar. Por eseo, amás d’esta esposición, el Conceyu adquirió diversos compromisos p’ameyorar la situación, como la collaboración na IV Llimpieza Nacional de Fondos Marinos, que tuvo llugar nel Puertu Deportivu, el pasáu 6 d’ochobre , con una gran participación de voluntarios. Mientres la mesma retiráronse 580 kg de borrafes, principalmente vasos y botelles deplástico y vidriu refundiaos a l’agua intencionadamente o por descuidu.

La producción mundial de plásticos en 2014 foi de 311 millones de tonelaes, de los que s’envalora que casi un 5% termina nel mar. Les borrafes plástiques son abasnaos poles corrientes y los vientos y yá pueden atopase prácticamente en cualquier llugar, incluyendo los llugares más remotos y deshabitados, como l’Árticu y el fondu del océanu. Resulta imprescindible que tomemos conciencia de la importancia d’amenorgar el consumu de plásticos d’un solu usu, de la reutilización y el recicláu, siempres xestionando adecuadamentelos borrafes.

  Categories: