Portada Comunicación Barbón algama la presidencia prometiendo escaecer “la vieya Asturies”

Barbón algama la presidencia prometiendo escaecer “la vieya Asturies”

by redacción asturnews

Adrián Barbón ye’l nuevu presidente d’Asturies y quier selo dexando atrás la “vieya Asturies”. Esi foi nidiamente’l mensaxe que quiso treslladar faciendo albidrar que’l de só va ser un gobiernu mozu alloñáu de la vieya guardia socialista, la que condergó al asturianu a ser una anormalidá nel Estáu español.

Adrián Barbón foi escoyíu esti llunes 15 d’agostu como novenu presidente del Principáu y lo primero que fizo na so curtia intervención pública en siendo proclamáu foi treslladar que’l so gobiernu va ser mozo, como elli, el primer presicente nacíu tres l’aprobación de la Constitución de 1978. Dexolo bien nidio al falar d’asumir un plus de responsabilidá porque va tener que gobernar “encarando un cambéu de ciclu”.

El so entamu foi una declaración d’intenciones: “Tenemos de reivindicar l’arguyu de ser asturianu”. Dexolo bien afitao al tiempu que prometía gobernar “con un puntu de osadía y ensin mieu a cometer erros” y lo que ye enforma novedoso ente’l socialismu asturiano, “ensin dexase afogar polos vapor de la vieya Asturies”. Esta selmana sabrase de xuru si la composición del so gobiernu sigue esti camín.

Tamién te podria gustar