Portada Plástiques Banksy regala per San Valentín un nuevu mural al so Bristol natal

Banksy regala per San Valentín un nuevu mural al so Bristol natal

by redacción asturnews

Naide (o casi naide) sabi quién ye realmente Bansky, pero les sos obres lleven un sellu tan propiu qu’a güeyu se puede saber si él ta detrás o non. Esti xueves apaeció un nuevu mural en Bristol (al oeste d’Inglaterra), ciudá de la que se cree que ye orixinariu l’artista, y yá foi interpretáu como’l so regalu per San Valentín.

Namás apaecer la nueva pintura hubo quien duldaba de l’autoría porque estes obres nunca van roblaes. Bansky suel reivindicar que son sos al compartiles na so cuenta oficial de Instagram y esa publicación finalmente llegó mientres la madrugada. El grafiteru compartió una galería na que se ve’l mural dende dos ángulos distintos y nun añedir nengún comentariu.

Enagora esti mural nun tien nome. La protagonista ye una neña pequeña, en blancu y negru, armada con un gomeru que disparó contra un oxetu volador colloráu, qu’esplotó y dexó una enllordia de flores. Dalgunos d’esos pétalos coloraos cayeron sobre’l lletreru de la cai Marsh Lane.

La obra entemez la inocencia d’una neña cola violencia. Tamién puede interpretase como que la pequena lo qu’estrozó ye un corazón que diba llexando, unu d’esos tan típicos que se dibuxen per San Valentín. Esta moza paez tar bien col so gomeru y nun precisa amor na so vida.

Tamién te podria gustar