Bailla na Plaza torna a La Baragaña esti sábadu

El tercer BAILLA NA PLAZA qu’entama en Candás el Grupu de Baille Tradicional San Félix va facese en La Baragaña’l próximu 13 de febreru a les 12 hores. Va baillase LAS CASTAÑUELAS (Somiedu) y LO SUELTO AYERÁN .

Darréu, volverán facese los bailles del mes pasáu: ALREDORES (Somiedu), XOTA (Babia), TRES PERRINES y XERANDIYA DE MALVEO. Esi día va haber buchaques p’ayudar al coleutivu DÉJAME TUS PIERNAS que mira por que los discapacitaos que nun puen correr lleguen a sentir les sensaciones qu’hai nes carreres. .

BAILLA NA PLAZA ta empobinao a toles persones que tenga ganes de baillar, y va facese un día al mes nuna plaza candasina (siempre que la meteoroloxía respete).