Avilés y Alcobendas son reconocíos por ser los primeros conceyos n’adecuación al ENS

Avilés y Alcobendas son reconocíos por ser los primeros conceyos n’adecuación al ENS
29 xunu 08:50 2020 Imprimir

La concejala d’Alministración Xeneral del Conceyu d’Avilés, Raquel Ruiz, participó esta selmana pasada de forma telemática nel II Alcuentru l’Esquema Nacional de Seguridá “ENS. Diez años de nuevos retos y soluciones” celebráu en collaboración cola FEMP, nun actu onde Avilés y Alcobendas recibieron una reconocencia por ser los dos primeros conceyos n’España en llograr la so adecuación al ENS.

Tamién participaron nesti actu los técnicos del Serviciu de Nueves tecnoloxíes Alfonso Dou, Julio Hevia y Beatríz García Suárez, xefa del serviciu xurídicu del Conceyu d’Avilés.

L’alcaldesa d’Avilés, Mariví Monteserín, recibió en xunetu de 2018 de manos del director de AENOR nel Principáu d’Asturies, Juan Lucas García, el certificáu de conformidá de la See Electrónica municipal col Esquema Nacional de Seguridá (ENS). Esta certificación reconoz que’l Conceyu d’Avilés cumple con esti Esquema, qu’establez los principios básicos y requisitos mínimos de seguridá de los sistemes d’información de les Alministraciones Públiques coles mires de xenerar enfotu.

La See Electrónica del Conceyu d’Avilés (https://sedeelectronica.aviles.es/), entró en funcionamientu nel añu 2014, sometiéndose dende entós a constantes llabores de caltenimientu y meyora, siempres cola máxima de salvaguardar la confidencialidad de los datos de toles persones físiques y xurídiques que faen usu de la mesma.

La See Electrónica municipal foi enllantada  coles mires d’apurrir a la ciudadanía d’Avilés l’accesu a los servicios qu’ufierta’l Conceyu, creando coles mesmes un espaciu para la xestión alministrativa con toles garantíes necesaries. Esta see basa’l so usu fundamentalmente en dos puntos:

La acreditación de les partes que se rellacionen, garantizando la so identidá, integridá y autenticidá al traviés del usu del PIN 24 HORES y los Certificaos electrónicos”. La disposición d’un rexistru qu’acredita y certifica estes transacciones, el llamáu “Rexistru electrónicu”.

  Categories: