Avilés xúnese otra vuelta al espardimientu de les asignatures científiques ente les estudiantes

Avilés xúnese otra vuelta al espardimientu de les asignatures científiques ente les estudiantes
07 ochobre 13:06 2019 Imprimir

El conceyal de Desenvolvimientu Urbanu y Promoción Económica, Manuel Riola, presentó esti vienres el programa d’actividaes que se van desenvolver na ciudá dientro de la iniciativa “Ciencia y Tecnoloxía en femenín”, que per segundu añu consecutivu promueve l’Asociación de Parques Científicos y Tecnolóxicos d’España (APTE) -de la que forma’l Parque Científico y Tecnolóxico (PCT) “Avilés Isla de la Innovación”.

L’oxetivu d’esta iniciativa ye visibilizar y promover los estudios en ciencies, tecnoloxía, ingeniaría y matemátiques ente les estudiantes avilesines al traviés de diverses actividaes y eventos que se van desenvolver ente’l 17 y el 23 d’ochobre. El conceyal tuvo acompañáu na presentación pola directora del IES Carreño Miranda, Isabel  Amanda Álvarez; el director del Colexu Salesianu Santu Ángel, Ricardo Herrero;    y l’investigadora de fundación Idonial, Elena Mielgo..

El programa d’actos de “Ciencia en Femenín” n’Avilés va entamar el xueves 17 d’ochobre con una xornada de presentación a los alumnos de 3º cursu d’Educación Secundaria Obligatoria de los dos centros participantes nesta segunda edición: el IES Carreño Miranda y el Colexu Salesianu Santu Ángel.

La xornada va consistir na realización de trés talleres d’una hora de duración nos que se va presentar al alumnáu la iniciativa, y averándolos a les disciplines STEM, acrónimu que se refier a les árees de conocencia nes que suelen trabayar científiques ya inxenieres: Science, Technology, Engineering, Mathematics (ciencia, tecnoloxía, inxeniería y matemátiques).

L’actividá va desenvolvese nel IES Carreño Miranda de 10 a 11 hores, y nel Colexu Salesianu Santu Ánxel de 11:30 a 12:30 hores.

Más información

  Categories: