Avilés xúnese al “Día de los Museos” con conferencies y visites

Avilés xúnese al “Día de los Museos” con conferencies y visites
16 mayu 10:12 2018 Imprimir

Avilés xúnese al “Día de los Museos” que conmemórase’l vienres 18 de mayu sol lema “Museos hiperconectados: enfoques nuevos, públicos nuevos” y failo con con conferencies y visites.

Coincide col quintu aniversariu de la inauguración del Muséu de la Hestoria Urbana que, xuntu al Centru d’Interpretación del Campusantu de La Carriona, protagonicen les actividaes. Esti miércoles 16 de mayo Víctor Díaz va recordar la figura de Servando Ovies, avilesín fináu nel naufraxu del Titanic. El xueves 17, el profesor de la Universidá de Santiago José María Lleal va repasar la hestoria del Puertu d’Avilés

El próximu vienres, 18 de mayu, celebrase en tol mundu’l Día Internacional de los museos” sol lema “Museos hiperconectaos: enfoques nuevos, públicos nuevos”. La conceyalía de Cultura d’Avilés xúnese a esta conmemoración al traviés del Muséu de la Hestoria Urbana, que conmemora tamién el quintu aniversariu de la so inauguración. Y facer con un intensu programa con conferencies y visites empuestes programaes a lo llargo de la selmana.

L’actividá va centrase, per un sitiu, nel mesmu Muséu con dos conferencies programaes: el miércoles 16 sobro la figura de Servando Ovies, avilesín fináu nel naufraxu del Titanic, al cargu de de Víctor Díaz; y el xueves 17, sobro’l Puertu d’Avilés, del que va falar José María Lleal Bóveda, profesor de la Universidá de Santiago. Dambes, a les 19 hores.

El vienres 18, Día de los Museos, los actos desenvolveránse mañana y tarde. Asina, a les 12 va realizase una visita empuesta al Muséu de la Hestoria Urbana en castellán. Pela tarde, y entamada pola Estaya de la Llingua, la visita va facese n’asturianu, a les 19 hores. El vienres el Campusantu de La Carriona tamién se suma a les celebraciones con una visita empuesta que parte del Centru d’Interpretación a les 18.30 hores. Pa rematar, a les 19.30 hores, na capiya del propiu Campusantu va celebrase un conciertu de la mano del Coru de Cámara “Dacapo” del Conservatorio Municipal Profesional Julián Orbón, dirixíu por Isabel Baigorri.

Programa:

Miércoles 16 de mayu, 19 hores. Muséu de la Hestoria Urbana d’Avilés.
Conferencia: “L’avilesín del Titanic”, al cargu de Víctor Díaz. Una repasada a la figura de Servando Ovies, avilesín fináu nel naufraxu del célebre trasatlántico.
Xueves 17 de mayu, 19 hores. Muséu de la Hestoria Urbana d’Avilés.
Conferencia: “El puertu d’Avilés: xuna vida n’imaxes”, al cargu de José María Lleal Bóveda, profesor de la Universidá de Santiago de Compostela. Repasada a la hestoria d’un puertu milenariu.
Vienres 18 de mayu, 12 hores. Muséu de la Hestoria Urbana d’Avilés.
Visita empuesta en castellán.
Vienres 18 de mayu, 19 hores. Muséu de la Hestoria Urbana d’Avilés.
Visita empuesta n’asturianu.
Vienres 18 de mayu, 18.30 hores. Centru d’Interpretación del Campusantu de La Carriona.
Visita empuesta en castellán.
Vienres 18 de mayu, 19.30 hores. Centru d’Interpretación del Campusantu de La Carriona.
Conciertu del Coru de Cámara Dacapo del Conservatorio Julián Orbón, dirixíu por Isabel Baigorri.
Toles actividaes tienen accesu llibre y gratuitu. Nel casu de les visites empuestes, hasta completar aforu (25 places). La inscripción previa pa estes visites puede realizase directamente nel Muséu de la Hestoria Urbana d’Avilés (C/La Ferrería, 35), per teléfonu (985 565 512) o per corréu electrónicu (museodeavilesayto-aviles.es).

Coles mesmes, mientres tola selmana y nos horarios habituales del muséu, puen visitase les esposiciones en marcha: “Les fueses del olvidu. Fotografíes d’Eloy Alonso” y “¡Che Vive¡. Imaxes inédites n’España”, dambes nel Muséu de la Hestoria no qu’ocupaba l’antigua escuela de cerámica, na plaza de Campusagráu.

  Categories: