Avilés va acoyer los Premios Nacionales d’Innovación y Diseñu

Los Premios Nacionales d’Innovación y Diseñu 2023 van apurrise en 2023 nel Centru Niemeyer d’Avilés, cola presencia de los Reis d’España.

Asina lo comunicó oficialmente la ministra de Ciencia ya Innovación, Diana Morant, a l’alcaldesa d’Avilés, Mariví Monteserín, nun alcuentru ente dambes celebráu esta tarde na see del ministeriu.

Estes son les declaraciones de Monteserín sobro la decisión del ministeriu:

Ye un honor p’Avilés acoyer la próxima edición de los Premios Nacionales d’Innovación y Diseñu. Al mio pensar, ye una reconocencia a una ciudá que demostró compromisu y enfotu nes sos capacidaes y fortaleces. Supimos convertir la investigación en redol a los materiales nuna pilastra de la industria del futuru que, en realidá, ye la industria del presente. Foi posible gracies a xuna collaboración públicu-privada qu’apurre enormes mires a Avilés. Asina-y lo treslladamos a la ministra Morant cuando visitó la nuesa ciudá, n’agostu de 2021, momentu nel qu’afirmó qu’Avilés yera l’epicentru de la innovación siderúrxica. Fuimos caces de crear un ecosistema d’I+D+i que nos singulariza y foi unu de los motivos pa esta importante decisión que güei me treslladó la ministra. Tamos contentos, arguyosos y esperanzaros nel trabayu que tamos faciendo pal futuru.

Estos galardones son la reconocencia más importante d’España en materia d’innovación y diseñu y estremen a persones y entidaes con trayectories profesionales destacaes nestos ámbitos.