Fiestes Avilés ufre n’agostu 87 actividaes musicales, de teatru ya infantiles en 10 escenarios by redacción asturnews 29 de xunetu, 2021 written by redacción asturnews 29 de xunetu, 2021 2,4K La programación festiva del mes d’agostu y San Agustín n’Avilés inclúi una amplia variedá de propuestes musicales, teatrales, deportives ya infantiles que se va desenvolver del 6 al 28 d’agostu. Van ser, en total, 97 actividaes -10 d’elles deportives y 14 infantiles- en 10 escenarios distintos y 7 instalaciones deportives. La conceyala de Cultura y promoción de Ciudá, Yolanda Alonso, presentó esta selmana’l programa completu del branu al mesmu tiempu que la imaxe de les fiestes de San Agustín, obra del estudiu avilesín Signum. Na so intervención destacó la variedá d’estilos y propuestes d’un programa para tolos públicos y para tolos gustos, con especial atención al públicu infantil. Toles actividaes son gratuites, sacante los 5 conciertos programaos na plaza de Centru Niemeyer: Aitana, Desakato, Dvicio, La Oreya de Van Gogh y Pablo López. Les entraes pa estos conciertos yá tán a la vienta en https://www.entradasatualcance.com/ y na Rede d’Oficines de Correo España. nel casu del conciertu de Aitana, pueden adquirise en https://www.elcorteingles.es/entraes/ El programa inclúi propuestes como los festivales de Música Negra “La Grapa”, La Mar de Ruiu, MusicAvilés y Factoría Sound Summer. Tamién va haber actuaciones na Pista de La Esposición, conciertos de menor formatu nes places de Camposagrado y Álvarez Acebal y una actuación de la OSPA na plaza Mayor de Llaranes. Nun van faltar les nueches de cine na plaza d’España nin el Festival de Folclor, Música Danza Popular. Amás, tán previstes más d’una decena d’actividaes d’animación y talleres para públicu infantil na plaza de Camposagrado , l’Antigua Pescadería y el Xardín Francés. Más información 0 FacebookTwitterPinterestEmail Anterior Lydia Espina toma’l relevu de Carmen Suárez al mandu d’Educación siguiente Contexto teatral trai a la ‘Excena’ de Xixón “Tal vez Soñar” Tamién te podria gustar El Trasiegu Fest conclúi col envís de poner... El Trasiegu Fest va tener un mercáu con... San Xuan celebrase en toa Asturies con Xixón... Vuelven los Taragaños del Cofrade a Uviéu ‘Güei sálese’ diseña una programación especial pa Selmana... Tradición, música, confraternización y cultura tomen Avilés nes... Fallu del xuráu del Concursu de Proyectos de... Iniciativa y la Fundación Almastur presentaron la Xira... Los actos del Antroxu d’Avilés sumaron los 46.000... L’Antroxu de Xixón parte 36.000 euros en premios