Portada Educación Avilés sumase al espardimientu de les asignatures científiques ente les estudiantes

Avilés sumase al espardimientu de les asignatures científiques ente les estudiantes

by redacción asturnews

Avilés vieno acabante de sumase al espardimientu de les asignatures científiques ente les estudiantes, dientro del proxecto “Ciencia y Tecnoloxía en Femenín” de l’Asociación de Parques Científicos y Tecnolóxicos d’España (APTE), de la que forma parte’l parque avilesín.

La esposición “Muyeres que camudaron el mundu” y una xornada divulgativa son los principales actos na ciudá d’esti proyeutu, nos que científiques y tecnólogues van compartir la so esperiencia profesional.

L’alcaldesa d’Avilés, Mariví Monteserín, presentó esta selmanda pasada’l programa d’actividaes que se va desenvolver na ciudá dientro de la Iniciativa “Ciencia y Tecnoloxía en femenín” que promueve l’Asociación de Parques Científicos y Tecnolóxicos d’España (APTE) -de la que forma’l Parque Científico y Tecnolóxico (PCT) “Avilés Isla de la Innovación”- en 14 parques de toa España.

L’oxetivu ye visibilizar y promover los estudios en ciencies, tecnoloxía, ingeniaría y matemátiques ente les estudiantes avilesines al traviés de:

Una esposición “Muyeres  que camudaron el mundu” nel Centru Niemeyer sobro l’históricu papel de la muyer na ciencia y na tecnoloxía va ser una les exes de la programación d’actividaes. Ye una amuesa de 10 paneles protagonizaos por muyeres referentes en ciencia y tecnoloxía, tanto pioneres como actuales.  Esta esposición inclúi una parte final na que se v adestacar a aquelles profesionales del ámbitu de los parques qu’anguaño tán desenvolviendo una importante llabor nel ámbitu de la ciencia y la tecnoloxía, nel casu d’Avilés reflexa’l trabayu de:

–          María Panera, doctora en Química Organometálica qu’investiga la creación d’aceros con propiedaes ameyoraes pa la automoción

–          Elena Mielgo, doctora en química qu’investiga l’aplicación d’estractos naturales pa la inhibición del escomiu

–          María Martínez, MBA pola Universidá de Toronto, directora de relaciones institucionales de SATEC

–          Mariel Díaz, Inxeniera Industrial pola Universidá de Colombia y CEO de TRIDITIVE.

Testimonios de Científiques y Tecnológas que treslladen una idega que merez la pena: qué fixi pa faer lo que faigo. Alegatos curtios que traten de conectar emocionalmente col poder de les muyeres y les neñes pa ser creadores y axentes de cambéu. Les ponentes son muyeres con responsabilidaes nel mundu de la empresa con esperiencies inspiradores pal restu de l’audiencia: Elena Mielgo, María Panera y Tatiana Mansu.

Va haber un taller “¿Asocédete dalguna solución innovadora pa evitar que los plásticos afueguen les sableres d’Asturies?” empobináu a buscar propuestes de soluciones innovadores a una problemática. Les borrafes urbanes y fundamentalmente les botelles, bolses y los envases de plásticu convirtiéronse n’unu de los mayores problemes de contaminación del mediu marín. Añu tres d’añu el problema amóntase. La ONU y otros organismos internacionales llanzaron xuna alerta global y según les prioridaes de la estratexa Europa 2020 ye de vital importancies l’Acción pol clima, mediu ambiente, eficiencia de los recursos y materies primes, pa llograr una economía y xuna sociedá más eficientes nel usu de los diversos recursos naturales y de l’agua.

Tamien vieno acabante d’asoleyase una guía Ilustrada “¿Qué quiero ser de mayor?”. Escuerre principalmente esplicar, con un llinguaxe y diseñu afechu al públicu oxetivu, cuálos pueden ser les salíes profesionales d’estudios rellacionaos cola ciencia y la tecnoloxía.  La guía ta ordenada en trés apartaos: Arquitectura ya Inxeniería, Ciencies de la Salú, y Ciencies. La guía puede descargase nel siguiente enllaz: https://issuu.com/apte_techno/docs/cienciaok

Tamién puede conocese al traviés del siguiente vídeu: https://youtu.be/Hz1eHI4FMwc

Ver programación

Tamién te podria gustar