Avilés suma nuevu ciclu temáticu de proyecciones al consolidáu “Cine de los Martes”

Avilés suma nuevu ciclu temáticu de proyecciones al consolidáu “Cine de los Martes”
17 xineru 12:49 2017 Imprimir

El Cine de los Martes vuelve a entamar esti día la so actividá con un nuevu ciclu onde s’inclúi una cuidada selección de películes en versión orixinal subtitulada. Amás, entama darréu’l primer ciclu de cine temáticu, “Nueche de Mieu”, qu’inclúi 6 películes de terror.

Van Ser 9 les proyecciones que van tener llugar ente xineru y marzu a les 20:15 hores na Casa de Cultura. Tratase d’un ciclu que cunta añu tres d’añu col respaldu del públicu, lo qu’amás d’asegurar la so continuidá impulsa al Conceyu d’Avilés a amontar la ufierta cinematográfica de la ciudá.

Por eso, la Conceyalía de Cultura ufierta un nuevu ciclu temáticu complementariu al de los martes, qu’en cada edición va tar dedicáu a un xéneru cinematográficu. La primera de les cites, programada pa dos vienres al mes a lo llargo del primer trimestre del añu, va ser col cine de terror. Asina, sol títulu de “Nueche de Mieu” van a poder vese un total de 6 llargumetraxes. Tratase de películes que nos últimos meses merecieron dellos galardones nos festivales de cine fantásticu y de terror más importante del mundu.

La selección d’estes películes, de diverses nacionalidaes y reconocíes en distintos festivales y certames cinematográficos de tol mundu, corrió a cargu del programador Jorge Iván Argiz.

Ver llistáu de películes y feches

  Categories: