PolíticaSociedá Avilés retira los símbolos franquistes del campusantu La Carriona by redacción asturnews 15 de xunu, 2020 written by redacción asturnews 15 de xunu, 2020 408 El Conceyu d’Avilés retira los símbolos franquistes de la cruz del campusantu de La Carrion, en cumplimientu de la Llei pa la Recuperación de la Memoria Democrática nel Principáu d’Asturies. Suprimiéronse les plaques col xugu y les fleches, la inscripción “presente” y les feches que referencien el golpe d’Estáu franquista y la cayida d’Avilés. El Conceyu d’Avilés retiró esta selmana pasada los símbolos franquistes de la conocida como “cruz de los cayíos” del campusantu de La Carriona, en cumplimientu de la Llei pa la Recuperación de la Memoria Democrática d’Asturies, 1/2019 de 1 de marzu. Suprimiéronse les plaques cola inscripción presentes” qu’ocupaba tol segmentu vertical de la cruz, y na so base, el xugu y les fleches, según les feches que referenciaben del golpe d’estáu franquista (18 de xunetu de 1936) y de la cayida d’Avilés en manos de les tropes golpistes (21 d’ochobre de 1937). L’artículu 48 de la citada Llei, preve la retirada de símbolos que conmemoren, aponderen, legitimen, xustifiquen o emponderen el golpe militar de 1936 y del franquismu, tantu de los sos dirixentes como de les organizaciones que sofitaron el réxime dictatorial, por consideralos contrarios a la memoria democrática y a la dignidá de les víctimes. El Campusantu Municipal de La Carriona cuenta con una protección integral, y esta cruz -como elementu nel espaciu urbanu del campusantu- cuanta con una protección individual. 0 FacebookTwitterPinterestEmail Anterior El festival Arenal Sound aplaza la so edición a 2021 siguiente Reabren les sales d’estudiu de Bárganos Candamo, Centru Universitariu y otres n’Avilés Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La normalización llingüística afitase dafechu nel Parlamentu Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII...