Avilés refuerza l’espardimientu la enseñanza pública pelos colexos con cartelería

La Conceyalía d’Educación d’Avilés vieno acabante refuerciar la campaña d’espardimientu de los colexos públicos con cartelería específica a lo llargo de  14 centros avilesinos.

La conceyala d’Educación, Yolanda Alonso, xuntu con Teresa Álvarez Carru, directora del CP Marcos del Torniello y Nadia Raspiada, directora del CP Virxe de les Marees, presentaron esta selmana pasada’l vídeu promocional de la enseñanza pública na ciudá, que nos últimos díes algamó una gran espardimientu en redes sociales y canales dixitales.

Tratase d’un audiovisual financiáu pola conceyalía d’Educación y en que la so producción y rodaxe participen los siguientes 14 colexos

CEIP Apolinar García Hevia
CEIP La Carriona -Miranda CEIP
Enrique Alonso CEIP
Llaranes
CEIP Marcelo Gago
CEIP Marcos del Torniello
CEIP Palacio Valdés
CEIP Poeta Juan Ochoa
CEIP Quirinal
CP Sabugo
CEE San Cristóbal
CEIP Versalles
CEIP Villalegre
CEIP Virxe de les Marees

Na rueda de prensa, Alonso anunció qu’el so departamentu va reforzar la campaña d’espardimientu de los colexos con cartelería propia col lema “Colexos Públicos d’Avilés, la meyor opción: calidá ya innovación”. Estos cartelos inclúin un códigu QR qu’enllaza directamente col citáu vídeu.

La concejyla destacó “la coordinación y trabayu de mancomún de toos ellos pa dar una respuesta educativa calidable en tola ciudá, por una escuela pública que respuende a les necesidaes educatives de too l’alumnáu, utilizando metodoloxíes actives ya innovadores afeches a la educación actual, onde la renovación constante y la profesionalidá son la seña d’identidá d’una escuela plural n’una ciudá educadora como Avilés”. Alonso destacó como principal seña identitaria de la escuela pública “la inclusión y l’igualdá, amás de la solidaridá y la participación.