Avilés + Que Lletres, principal cita musical de la fin de selmana

Yá s’atopen a la vienta les entraes del ciclu de concierto Avilés + Que Lletres, que se va desenvolver del 8 al 10 de xunu na Factoría Cultural, y que va cuntar coles actuaciones de Rubén Pozu (ex Galbana), Pablo Und Destruktion, Lecter Bukosky, Melopea, Jörquera y Nachu García, amás d’acoyer la presentación del llibru “La peluca de Marky Ramone”, escritu por José Pellón.

Los conciertos que riquen la compra d’entrada son el de Rubén Pozu (xueves 8, 21:30 hores) y el que va cuntar coles actuaciones de Pablo Und Destruktion y Lecter Bukosky (sábadu 10, 22:00 hores). Les entraes pa cada unu d’estos dos conciertos tán yá a la vienta al preciu de 8€ en vienta antemanada (10€ el día de l’actuación).

En tolos casos tratase de conciertos n’español, en formatu acústicu ya íntimu, con un aforu bien llindáu (alrodiu d’un centenar d’asistentes), que van llevar hasta l’escenariu de la Factoría Cultural tantu a reconocíos artistes nacionales como a dalgunos de los músicos que, dientro de la escena musical asturiana, destaquen na actualidá pola calidá narrativa de les sos composiciones.

Los puntos de vienta de les entraes son los siguientes:

Taquilla Casa Municipal de Cultura Taquilla Factoría Cultural,
los díes de conciertu dende 1 hora antes Caxeros
Liberbank
https://entraes.liberbank.es / 902 106 601

Per otru llau, el programa correspondiente al vienres 9 ye d’accesu llibre y gratuitu, por cuenta de la Nueche Blanca. Va Arrincar cola presentación del llibru “La peluca de Marky Ramone”, del escritor José Pellón. A la conclusión de la mesma (22:00 hores), va entamar l’actuación del tríu Melopea, ente que a partir de les 23:00 hores va empezar el conciertu que va cuntar coles actuaciones de Jörquera y Nachu García.

Ver llistáu d’artistes