Portada Conceyos Avilés promocionó en FITUR trés nueves iniciatives

Avilés promocionó en FITUR trés nueves iniciatives

by redacción asturnews

Avilés promocionó en FITUR trés nueves iniciatives que se van poner en marcha anguaño na ciudá. El turismu más activu recibe un impulsu cola puesta en marcha de la páxina web www.correrenaviles.com, qu’ufierta a corredores locales y visitantes 16 rutes diseñaes pola atleta Alba García ye una d’elles.

La Policía Local va empezar a emprestar esta primavera un serviciu de sofitu, seguridá ya información a pelegrinos del Camín de Santiago. La feria FITUR acoyía esti vienres pasáu la presentación del proyectu “Room 2030”, qu’a finales d’esti mes va instalase xuntu al Centru Niemeyer. La Oficina de Turismu atendió en 2019 a 33.392 persones, un 9% más qu’en 2018

La conceyala de Turismu, Raquel Ruiz, present trés nueves iniciatives turístiques que se van poner en marcha n’Avilés anguaño. Tratase del proyectu “Correr n’Avilés” pal impulsu del turismu activu, del serviciu policial de sofitu al pelegrín del Camín de Santiago, y de la iniciativa “Room 2030”, un modulo habitacional diseñáu por un consorciu empresarial.

Ruiz dio a conocer estes novedaes na Feria Internacional de Turismu (FITUR), que se celebra en Madrid y a la que s’allegó personalmente, xuntu cola alcaldesa d’Avilés, Mariví Monteserín. Ellí participaron nel Día d’Asturies en FITUR, atendiendo delles entrevistes con medios de comunicación y participando na presentación de “Room 2030”.

Más información

Tamién te podria gustar