Avilés promociónase con Uviéu y Xixón como destín turísticu n’Aragón

Avilés promociónase con Uviéu y Xixón como destín turísticu n’Aragón
14 mayu 16:20 2018 Imprimir

Asturies, al traviés de les sos ciudaes Uviéu, Xixón y Avilés, tuvo presente esta fin de selmana nel Salón Aragonés de Turismu, Aratur, pa enseñar a los y les aragoneses un “paraísu natural” que combina hestoria, cultura, gastronomía y esperiencies.

Nesti marcu, Comarca  Avilés  tuvo presente en ARATUR, qu’anguaño celebra la so decimotercer edición, y que se desenvolvió nel Palaciu de Congresos de Zaragoza dende güei vienres y hasta el domingu 13 de mayu. La Mancomunidá Comarca Avilés cuentó con un stand en ARATUR, que comparte coles otres dos ciudaes d’Asturies, Uviéu y Xixón, onde se promocionó la contorna como destín  turísticu, según los sos principales recursos y productos turísticos.

ARATUR, Salón Aragonés del Turismu, ye una Feria na que se dan cita empreses, instituciones públiques y profesionales que trabayen nos distintos ámbitos del turismu, siendo de les que tuvo mayor crecedera de visitantes n’España nos últimos años.

Cultura, naturaleza, arte, hestoria, deporte, gastronomía, enoturismo, aventura… son elementos en redol a los que s’articulen bona parte de les propuestes que presenten los distintos destinos que participen en ARATUR, ente los que s’atopa la Mancomunidá Comarca Avilés, que na so stand informa y apurre folletos y publicaciones sobro los nuesos principales recursos y productos turísticos: cascu históricu, sableres, Centru Niemeyer, Mina de Arnao, Pescáu de la Rula d’Avilés, Famous Wine Festival, golf, surf, redolada rural, etc.

Cola presencia nestes feries turístiques, la Mancomunidá Comarca Avilés refuerza y amplia les sos llínees de promoción y espardimientu del nuesu territoriu como destín turísticu.

 

  Categories: