Portada Sociedá Avilés presenta’l Campeonatu del Mundu de Duatlón

Avilés presenta’l Campeonatu del Mundu de Duatlón

by redacción asturnews

L’alcaldesa d’Avilés, Mariví Monteserín, aseguró na so presentación esti día que’l Campeonatu del Mundu de Duatlón “dexónos consolidanos como llugar pa la organización y celebración de grandes eventos y ufiértanos una proyección nacional ya internacional como ciudá que nun podríamos algamar d’otra manera”.

L’alcaldesa Mariví Monteserín aseguró na presentación que’l Campeonatu del Mundu de Duatlón “va dexar una buelga na ciudá que va perdurar nel tiempu, dexónos consolidanos como llugar pa la organización y celebración de grandes eventos y ufiértanos una proyección nacional ya internacional como ciudá que nun podríamos algamar d’otra manera”.

Facíalo nel intre de la Presentación Oficial del Mundial, acompañada por representantes de les instituciones más directamente implicaes na organización y desenvolvimientu de les actividaes y pruebes deportives: les federaciones internacional, española y asturiana de triatlón, el Gobiernu d’Asturies, el Centru Niemeyer, el Puertu d’Avilés y el Conceyu de Gozón. A toos ellos l’alcaldesa estimó-yos el so implicación y compromisu cola prueba.

Destacó l’enfotu depositáu n’Avilés pola Unión Internacional de Triatlón, representada nel actu por Enrique Quesada, a quien se refirió como “una persona comprometida col triatlón y con esta ciudá dende va munchos años, cuando yá en 1987 asistió a la presentación de la primer Escuela de Triatlón d’España. Güei, querido Enrique, 29 años dempués volvemos a atopar n’Avilés en redol a esti gran campeonatu. Munches gracies pol to respaldu, siempres”.

L’alcaldesa quixo destacar na so intervención “l’enfotu personal y dedicación d’unu de los nuesos meyores embaxadores en tol mundu: Jorge García, director técnicu del Mundial y director de Competiciones de la Federación Española”. Tamién se refirió a los 100 voluntarios, a les 26 empreses patrocinadores, a les 12 collaboradores y a los 70 establecimientos comerciales y hosteleros implicaos, munchos d’ellos presentes nel actu. A toos estimó la so arrogancia  a la d’implicase y apurrir financiamientu, productos y servicios al Campeonatu.

 

Tamién te podria gustar