Avilés presenta 19 iniciatives para optar a fondos europeos del plan “España Puede”

Avilés presenta 19 iniciatives para optar a fondos europeos del plan “España Puede”
11 marzu 09:40 2021 Imprimir

El Conceyu d’Avilés presentó énte’l Principáu d’Asturies y el Gobiernu central 19 manifestaciones d’interés por importe de 124,65 millones d’euros pal so financiamientu con fondos de la Unión Europa dientro d’esti nuevu periodu de financiamientu européu.

L’alcaldesa, Mariví Montserín, dio a conocer esti llunes estes manifestaciones d’interés, como se noma según la terminoloxía de la UE, que se correspuenden coles 10 polítiques palanca establecíes pol Plan España Puede” susceptibles d’optar a financiamientu européu.

Según esplicó na so comparecencia énte los medios, nel diseñu y planteamientu de les iniciatives “tuvimos bien en cuenta, per un sitiu, les polítiques palanca qu’establez la Unión Europea dientro de les que son oxetu de financiamientu. Y, por otru, que respondieren al modelu de tresformamientu urbanu, económica y social qu’identifica a Avilés”.

D’estes 19 manifestaciones d’interés van salir los proyectos que’l Conceyu va presentar a les distintes convocatories de la Unión Europea. Delles d’estes iniciatives van dar llugar a proyectos que van ser llevaos a cabu pol Conceyu en collaboración con empreses privaes, siguiendo la filosofía de los fondos comuñales.

Arrexuntase en cuatro llínees:

  • Transición dixital y ciudá intelixente.
  • Transición ecolóxica y dotación d’infraestructures y ecosistemes resilentes.
  • Retu demográficu, bienestar social, y nueva economía de los cuidos y polítiques d’empléu.
  • Política industrial.

Más información

  Categories: