Avilés pon en marcha les Fines de selmana saludables’ d’ociu infantil y xuvenil

Avilés pon en marcha les Fines de selmana saludables’ d’ociu infantil y xuvenil
06 marzu 10:59 2021 Imprimir

Esti sábadu 6 de marzu púnxose en marcha’l proyectu Fines de selmana saludables una iniciativa conxunta de les Conceyalía de Mocedá y Ciudá Saludable qu’apigura una serie d’actividaes qu’amás d’apurrir ociu a los colectivos infantil y xuvenil avilesinos busca fomentar vezos saludables, potenciar les relaciones familiares y recuperar espacios públicos na midida que la evolución de la pandemia dexe.

El proyectu “Fines de selmana saludables” plantega actividaes al campu para realizar les fines de selmana, siempres que’l tiempu dexar, en distintos espacios d’Avilés,. : Parque del Muelle, Patiu de Mocedá y Monte Comestible. Toes elles son familiares y gratuites. Engloba:

  • ‘Sábados saludables del CIAA’ (Conseyu de la Infancia y Adolescencia d’Avilés) nel parque del Muelle. Sábados de 11 a 12 hores.
  • ‘Patiu Patín’ nel Patiu de Mocedá. Sábados y domingos  de 12 a 14 hores.
  • ‘Monte Comestible. Sábados verdes’ na cai José Cueto (tres la EOI). Sábados de 12 a 13 hores.

Patiu Patín y el Monte Comestible vuelven con actividaes tres el parón impuestu poles restricciones sanitaries de los últimos meses.

Cola puesta en marcha de les Fines de selmana saludables les Conceyalíes de Mocedá y Ciudá Saludable del Conceyu d’Avilés dan respuesta a les midíes que para los colectivos infantil y xuvenil avilesinos plantegáronse dende instancies como’l Conseyu pola Reactivación Económica d’Avilés (CREA), que la so  Midida 103 (Promover l’actividá física na cai), escuerre habilitar y acondicionar nuevos espacios para l’actividá física na cai impulsando nueves actividaes al campu, tantu na vía pública como n’espacios verdes.

Tamién nel III Plan d’Infancia y Adolescencia d’Avilés ellaboráu pol Conseyu Municipal d’Infancia y Adolescencia (CIAA) que foi aprobáu, por unanimidá, nel Plenu Municipal celebráu’l 30 de xineru de 2018, recuéyense les midíes que les neñes, neños y adolescentes d’Avilés consideraron del so interés y ente elles cobra especial importancia la organización de talleres y actividaes de comunicación y alcuentru familiar  coles mires d’impulsar actividaes pa tola familia diseñaes con o polos mesmos neños, neñes y adolescentes.

En dichu Plan d’Infancia polo que respecta a la Área Salú y Deporte demándense sesiones d’exerciciu al campu, con monitor/a que lo emponga, de cuenta que puedan probase y conocer diverses disciplines. D’ende l’interés del Conceyu en que sían los mesmos colectivos los que participen nel diseñu de les actividaes que s’incorporaron a estes Fines de selmana saludables.

Más información

  Categories: