Avilés fina pa coles celebraciones del Día Internacional del Llibru

Avilés fina pa coles celebraciones del Día Internacional del Llibru
23 abril 15:25 2018 Imprimir

Esti martes 24 d’abril los centros culturales municipales d’Avilés acueyen actividaes rellacionaes cola llectura pa toles edaes coles que se pon fin a la celebración del Día Internacional del Llibru.

Avilés entorna coles celebraciones del Día Internacional de Llibru, que tien llugar esti llunes día 23 d’abril. L’actividá va ser continua en tolos centros culturales municipales de la ciudá, del centru y de los barrios, yá demientres los díes previosa tan señalada fecha. Dende la conceyalía de Cultura ellaboróse un programa que tien en cuenta toles edaes, con especial fincapié nos más pequenos y el fomentu de la llectura.

Asina, programáronse bebecuentos, pa neños d’ente 6 meses y 3 años; cuentacuentos, pa neños d’ente 4 y 9 años; talleres d’animación a la llectura, pa neños d’ente 4 y 8 años; un taller de creación lliteraria pola igualdá de xéneru, y como xuna de les principales novedaes, una ruta lliteraria pelos espacios de la ciudá qu’apaecen reseñaos nes noveles “Marta y María” y “La novela d’un novelista” d’Armando Palacio Valdés.

Llaranes concentra gran númberu d’actividaes. Asina, nel so Centru Social yá se celebra demientres tou abril el Mes de la Llectura”, y adelantrose al sábadu 21 la so “Fiesta del Llibru” con distintos talleres, mercadín solidariu, teatru infantil, música y baille.

Relación d’actividaes programaes pol Conceyu d’Avilés con motivu del Día del Llibru 2018

  Categories: