Avilés festexa’l 81 cumpleaños de Bob Dylan y conviértese en Ciudá Dylanita per decimoquintu añu

Per decimoquintu añu, Avilés convertirase en Ciudá Dylanita, la única ciudá española que celebra’l cumpleaños de Bob Dylan. Y fadral con un gran conciertu, nel que 13 solistes d’Asturies, arropaos polos Stormy Mondays, van interpretar 20 temes imprescindibles del cantautor. Va Ser el vienres 20 de mayu, nel Auditoriu de la Casa de Cultura, a les 20.30 hores.

El festival foi presentáu esta selmana pasada por Yolanda Alonso, conceyala de Cultura d’Avilés, acompañada pol so promotor, Béznar Arias, y parte del elencu de prestixosos músicos de la escena ástur que van poner la banda sonora al recital.

Recordó Alonso “el gran númberu de siguidores de toa Asturies, qu’amuesen la so fidelidá a Bob Dylan y avérense cada añu a Avilés pa participar d’esti tributu únicu, nel qu’esfrutar colos cantares. Tener marcáu nel so calendariu cuando s’avera’l 24 de mayu, el cumpleaños del premiu Nobel de Lliteratura”.

Stormy Mondays, la banda de Jorge Otero (el músicu asturianu con más participaciones nel Avilés Ciudá Dylanita), va ser la encargada de poner la música por que 13 grandes del panorama musical avilesín y asturianu dean la voz a 20 himnos imprescindibles na inabarcable discografía del poeta de la palabra y la música, somorguiáu na so interminable xira mundial, el Never Ending Tour.

Ver relación d’artistes