Avilés estrena una ruta turística pa persones con necesidaes d’accesibilidá

Avilés estrena una ruta turística pa persones con necesidaes d’accesibilidá
05 xunetu 16:20 2018 Imprimir

Avilés estrena esti mes una ruta turística pa persones con necesidaes d’accesibilidá que cuenta con un llargor de 3,5 km y percuerre bona parte de los puntos d’interés turísticu de la ciudá.

L’accesibilidá del percorríu y de dellos equipamientos foi certificada pola Plataforma Representativa Estatal de Discapacitaos Físicos (PREDIF) sigún reconoció’l  conceyal de Promoción de Ciudá, Manuel Riola, que presentó esti martes una nueva ruta turística accesible per Avilés dirixida a persones con discapacidá física o sensorial y con movilidá amenorgada. La ruta ta certificada pola Plataforma Representativa Estatal de Discapacitaos Físicos (PREDIF), a la que’l Conceyu d’Avilés solicitó la realización d’informes para acreditar l’accesibilidá del tramu urbanu más turísticu de la ciudá. Na presentación tamién participaron el presidente de PREDIF, Eduardo Llanu; la directora técnica de la entidá, Elvira Pérez; y la técnica Mónica Palacios.

La ruta cunta con un percorríu íntegramente urbanu de 3’5 kilómetros y traviesa el cascu históricu d’Avilés. Dexa a quien opten por siguir la esfrutar de bona parte de los curiosos de la ciudá ensin barreres arquitectóniques. Foi trazada tomando como referencia los informes sobro accesibilidá redactaos pola mesma PREDIF.

El percorríu parte dende la estación d’autobuses y trenes, sigue pela avenida de Los Telares hasta’l parque d’El Muelle. Dende ellí enfusar en Sabugo pola cai Carreño Miranda y, en visitando les dos ilesies del barriu, sigue’l so camín al traviés de la plaza de los Hermanos Orbón. Dende esta plaza la ruta sigue pola cai de La Cámara hasta la plaza d’España, para dende ellí xubir poles cais San Francisco y Galiana, entrar nel parque de La Ferrera y travesalo hasta salir pola cai Rivero. El percorríu vuelve a la plaza d’España pa llegar hasta la plaza de Camposagrado travesando la cai de La Fruta. Tres Camposagrado, la ruta empobinase pola plaza de Carlos Llobu y les cais de La Ferrería y Xovellanos, pa rematar nel Centru Niemeyer utilizando pa ello la pasarela d’accesu allugada na plaza de Santiago López.

Pal diseñu de la ruta y so posterior acreditación como itinerariu accesible tuviéronse en cuenta’l so llargor, los pavimentos urbanos y l’enclín máximu de cada tramu. Analizáronse aspeutos como la esistencia de zones de descansu con solombra, de moblame accesible, d’aseos pa persones con movilidá amenorgada o d’ascensores y puertes con anchu abondu pa sielles de ruedes, ente otros aspeutos.

Complementariamente a la ruta, PREDIF tamién acreditó como accesibles o practicables nueve equipamientos, tanto públicos como privaos. Tratase del parque del Muelle, el Mercáu de Abastos, la Confitería El Pianu Santa Mónica, l’Hotel 40 Nudos, l’Hotel NH Collection Palaciu d’Avilés, el Restorán La Capiya, el Muséu de la Hestoria Urbana d’Avilés, la Casa Municipal de Cultura y l’aparcamientu de la Plaza d’España.

La entidá PREDIF va incorporar a la so web (www.predif.org) la información relativa al itinerariu y a los equipamientos analizaos, según a l’aplicación móvil Tur4All. Dambos recursos son referencies informatives n’España pa tomar de decisiones y organización de viaxes turísticos en destinos accesibles.

En 2016, Avilés foi escoyíu como’l meyor destín turísticu accesible, un títulu otorgáu pola tercer edición de la campaña “Destino Turísticu Accesible”, promovida por Thyssenkrupp Encasa. Avilés llogró un total de 8.390 votos.

Planu de la ruta turística accesible d’Avilés (provisional)

  Categories: