Avilés estrena un nuevu festival de rock del 22 al 24 de marzu

Avilés estrena un nuevu festival de rock del 22 al 24 de marzu
28 xineru 10:09 2019 Imprimir

El festival Avilés Rock in Town va celebrase na pista de La Esposición como escenariu principal, amás de l’antigua Pescadería, el Palaciu de Valdecarzana y dellos locales d’hostelería, del 22 al 24 de marzu.

L’eventu va ufiertar música, esposiciones, actividaes urbanes, presentaciones de llibros, charres, un desfile de moda y una concentración de motos, ente otros. Programación gratuita con más de 15 conciertos, ente los que s’inclúin les actuaciones de Burning, Kim Lenz, Los Deltonos, Nat Simons, Sex Museum, The Soul Jackets y The Nap. Vienres 22: actuación de Levi Parham na Factoría Cultural. Entraes a 10 euros (vienta antemanada) y 12 euros el día del recital. Sábadu 23: gran show colos conciertos de Nikki Hill, Illegales, Tarque, Igor Pascual, Ana Popovic, y Winchester.

La conceyala de Cultura, Yolanda Alonso y Marín González, director del festival, presentaron esta selmana pasada l’Avilés Rock in Town, un festival que va llegar a la ciudá los próximos díes 22, 23 y 24 de marzu  coles mires d’averar al públicu asistente al estilu y cultura del rock al traviés de la música en directu y d’actividaes complementaries.

L’eventu va llegar a distintos enclaves de la ciudá cola Pista de la Esposición como escenariu principal a la que se van sumar l’Antigua Pescadería, la Factoría Cultural, el Palaciu de Valdecarzana y dellos locales d’hostelería de la ciudá, coles mires de faer partes a los negocios locales que, a lo llargo de too l’añu, apuesten pola música en directu. Asina, van ser escenariu del Rock in Town el chigre Places d’Avilés, Don Floro, Santa Cecilia, Calendoscopio Café y -y Garage a los que se suman l’Hotel Don Pedro, l’hotel de La Fruta y el NH Palaciu d’Avilés.

Ente los artistes que van actuar nesta primer edición de Rock In Town atópense, tanto músicos internacionales de primer nivel, como grupos nacionales. Nikki Hill, Illegales, Tarque, Kim Lenz, Ana Popovic o Burning encabecen un cartelu al que se suman artistes de la escena asturiana como The Nap o Igor Pascual.

Más información

  Categories: