Avilés estrena n’España “Momentum Generation”, Emmy al meyor documental, como presentación del Salinas SM&F

Avilés estrena n’España “Momentum Generation”, Emmy al meyor documental, como presentación del Salinas SM&F
13 xunu 09:03 2019 Imprimir

El sábadu 29 de xunu a les 22 hores nel Auditoriu de la Casa de Cultura, con entraes a la vienta nes canales habituales por 3 euros, Avilés estrena n’España “Momentum Generation”, Emmy 2019 al meyor documental, como presentación del Salinas SM&F.

Avilés estrena, n’esclusiva p toa España, el llargumetraxe “Momentum Generation”, ganador del últimu premiu Emmy al meyor documental. Producíu por Robert Redford pa la cadena HBO, y empobináu por Jeff y Michael Zimbalist, glosa la trayectoria del grupu de deportistes que convirtieron el surf nun fenómenu planetariu, a empiezos de los años 90 del pasáu sieglu.

Podrá vese el sábadu 29 de xunu, a les 22 hores, nel Auditoriu de la Casa de Cultura, como preludiu de la fiesta de presentación del Festival Salines Surf, Music & Friends, que se va enllargar de siguío.

Producíu por Robert Redford, y empobináu por Jeff y Michael Zimbalist, recuerda al grupu de deportistes que convirtieron al surf nun fenómenu global nos años 90 del pasáu sieglu. L’eventu va cuntar como maestru de ceremonies con unu de los más prestixosos directores y productores especializaos en surf nel mundu, el californianu Taylor Steele. Tres la proyección, fiesta de presentación del Salines Surf, Music & Friends, na plaza d’accesu a la Casa de Cultura pola plaza d’Álvarez Acebal, con música, películes y “food trucks”.

La programación d’esta intensa nueche foi presentada esta selmana por Yolanda Alonso, conceyala de Cultura en funciones d’Avilés, y Carlos Meana, director y organizador del festival. Como resaltó la edil, el sábadu 29 “la ciudá va convertir por un día nel centru d’atención pa los aficionaos del surf en toa España”.

Les entraes p’asistir al estrenu yá tán a la vienta, a un preciu de 3 euros, nes canales habituales, les taquilles de la Casa de Cultura, los Caxeros de Liberbank, el teléfonu 902 106 601 y la web https://entraes.liberbank.es/palaciovaldes. L’accesu a la fiesta posterior, que va tener llugar na escampada d’entrada a la Casa de Cultura pola plaza d’Álvarez Acebal, va ser llibre y gratuitu.

La proyección va cuntar con un maestru de ceremonies de reconocíu prestíu, el californianu Taylor Steele. Director y productor cinematográficu especializáu en surf, los sos trabayos contribuyeron a la creación de la imaxe icónica de la xeneración que 30 años dempués retrata’l documental, protagonizáu por Kelly Slater, Rob Machado, Shane Dorian, Taylor Knox, Benji Weatherley, Kalani Robb, Ross Williams, Pat O’Conell y el mesmu Steele.

El proyectu “Momentum Generation”, de Jeff y Michael Zimbalist, directores de “The two Escobars” o “Favela Rising”, entusiasmó a Robert Redford, y remató n’una película d’espectacular factura, qu’amuesa imaxes de la dómina al pie de actuales, y xuntó per primer vegada al míticu grupu de surfistas, que forxaron una fonda amistá encimentada na camaradería, pero tamién n’una intensa rivalidá y competitividá. La resultancia, la reconocencia con un premiu Emmy 2019 al meyor llargumetraxe documental de deportes.

Fiesta de presentación del Festival Salines Surf, Music & Friends

La proyección del documental nel Auditoriu a les 22 hores, con una duración de 103 minutos, ye’l primer platu de la nueche. El postre va llegar al so finalización, n’una animada puesta de llongura d’una nueva edición del Festival Salines Surf, Music & Friends, que cumple ocho años, y va tener llugar del 1 al 4 d’agostu.

L’eventu va tresformar n’una fiesta d’entrada llibre y gratuita, na escampada d’entrada a la Casa de Cultura pola plaza d’Álvarez Acebal, que va faer les delicies de los aficionaos al deporte de les foles, pero tamién del públicu polo xeneral.

Preparáronse un bon númberu d’actividaes al pie de la presentación del programa del Salinas SM&F. Va Haber música en vivu, cola actuación de la banda asturiana de pop-rock Bisonte; distintos food trucks y una barra nes que quitar la sede la fame y la sede; fabricación en directu de tables de surf na autocaravana “Vissla Shaping Caravan”, y una pantalla sobro la que se van proxectar vídeos de temática surfera.

La fiesta va rematar cola proyección esclusiva de “Rolling Review”, una producción que s’estrena este mesmu mes en tol mundu, y que rellata les peripecies d’una banda de surfistas que converten una casa histórica nuna fábrica creativa mientres busquen les meyores foles por tol mundu.

  Categories: