Portada Educación Avilés entamó esta selmana un proyeutu pa llevar l’asturianu a les escuelines de 0 a 3 años

Avilés entamó esta selmana un proyeutu pa llevar l’asturianu a les escuelines de 0 a 3 años

by redacción asturnews
La conceyala de Cultura, Yolanda Alonso, presentó esti llunes pasáu les actividaes que se desenvolveríen a lo llargo la selmana nel Conceyu d’Avilés pa conmemorar el 21 de febreru, Día Internacional de la Llingua Materna y dió l’anuncia d’un proyectu pilotu pa llevar l’asturianu a les escuelines de 0 a 3 años.

Trátase d’un proyectu pilotu que va permitir llevar el nuestru idioma a la reciella de 0 a 3 años dientro de les actividaes complementaries de les escueles. Y pa ello, el Conceyu d’Avilés, al traviés de la Estaya de la Llingua, programaósesiones de bebecuentos, que se celebraron en delles escueles d’Educación Infantil de la ciudá y nes que participó’l conocíu actor Carlos Alba, Cellero.

La campaña tamién tuvo un material específicu pa estos niveles. Consistió na distribución d’una caxa con un xuegu infantil onde neños y neñes van poder diferenciar animales de la casería como la pita, la oveya, la xata, el coneyu, el musín, el perru, el coríu, el gochu y el burru. El xuegu compónse tamién d’una alfombra onde ta’l contornu del animal col so nome y una pieza cola imaxe del mesmu. Asina, los neños y neñes van poder rellacionar conceutos al empar que deprenden el nuestru idioma.

Les sesiones, con un llargor de 20 minutos, celebráronse en delles escueles y horarios a lo llargo la selmana:

  • Día 21, 10.00 hores. Primera sesión de bebecuentos na Escuela Infantil d’El Quirinal.
  • Día 21, 10.30 hores. Segunda sesión de bebecuentos na Escuela Infantil d’El Quirinal.
  • Día 22, 10:00 hores. Sesión de bebecuentos na Escuela Infantil de La Toba.
  • Día 22, 11:00 hores. Sesión de bebecuentos na Escuela Infantil de La
    Madalena.

Tamién te podria gustar