“Avilés en femenín” torna con un percorríu pol papel de les muyeres na hestoria de la ciudá

“Avilés en femenín” torna con un percorríu pol papel de les muyeres na hestoria de la ciudá
01 agostu 08:40 2022 Imprimir

Los llunes 1 y 22 d’agostu, a les 19.30 hores, con puntu d’alcuentru a les puertes de la Oficina de Turismu d’Avilés, “Avilés en femenín” torna con un percorríu pol papel de les muyeres na hestoria de la ciudá.

Percorríos por llugares emblemáticos que van dexar cavilgar sobro personaxes fundamentales na vida cultural d’Avilés y la dómina en que vivieron, como Maruxa Mallo, Ana de Valle o Obdulia García y conocer asina la hestoria de la cultura d’Avilés de la mano de les muyeres que la protagonizaron. Esa ye la misión de “Avilés en femenín”, un percorríu al traviés de les sos vides y llugares emblemáticos de la ciudá. La cita va ser los llunes 1 y 22 d’agostu, a les 19.30 hores, entamada pola entidá cultural “Cúntame un cuadru” col sofitu de la Conceyalía de Turismu.

La xente va poder realizar una visita empuesta pol arte y l’hestoria que dexa sacar a la lluz a les muyeres creadores que vivieron na ciudá, y encetar una reflexón ente pasáu y presente sobro’l papel que xugaron a lo llargo de la hestoria. Xuna forma de conocer la hestoria de reconocíes muyeres d’Avilés, xunas más y otres menos, esquizando na biografía de pintores como Maruxa Mallo y Obdulia García, o poetes como Ana de Valle.

‘Avilés en femenín’, que vuelve a la programación del branu p’allantar y ampliar les conocencies de residentes y visitantes, ufierta una repasada poles vides d’estes ceadores y pol contestu social que-yos tocó vivir, xuna inmersión histórica al traviés de les cais y el patrimoniu material ya inmaterial d’Avilés, na que se va afayar el verdaderu papel que la muyer xugó na Hestoria.

Pa participar nesta actividá, gratuita, ye necesaria inscripción previa, cuidandoo que les places tan llindaes. Tien de tramitase na Oficina de Turismu, asitiáu na cai Ruiz Gómez, 21, tanto de forma presencial, como al traviés del teléfonu 985 544 325 o la dirección de corréu electrónicu turismo@aviles.es.

  Categories: