Portada Música Avilés da rienda suelta a la so identidá más roquera con Rock In Town

Avilés da rienda suelta a la so identidá más roquera con Rock In Town

by redacción asturnews

El Conceyu d’Avilés entama Rock in Town, con un cartelu de luxu, que combina recitales gratuitos y de pagu en distintos espacios de la ciudá dende esti viernes. La pista de La Esposición, onde se va instalar una espectacular carpa con capacidá pa 3.000 espectadores, va ser el centru d’operaciones.

La estrella estadounidense Levi Parham inaugura esti vienres el certame na Factoría Cultural. De siguío, van tomar el relevu Igor Paskual y Burning en Les Meanes. El sábadu a les 18.30 hores abren les puertes en La Esposición del gran conciertu de Winchester, Deltonos, Ana Popovic, Nikki Hill, Illegales y Tarque (35 euros antemanada y 42 en taquilla). Va haber recitales gratuitos na Antigua Pescadería y en locales collaboradores, de Páxaru, Mad Rovers, Green Desert Water, The Soul Jackets, The Nap, Sex Museum, Trashtornados, Nat Simons, Kim Lenz y Baxa California. Ente les actividaes paraleles, desfiles de moda “Pin-Up” y concentraciones de coches clásicos y motos Harley Davidson.

Avilés sabe a rock  dende siempres y esa ye una identidá que se enraíza na so hestoria y nos últimos tiempos, nos que la ciudá convirtióse nun llugar d’acoyida pa grandes estrelles de la música, y d’alcuentru de los aficionaos d’Asturies y de tol norte d’España. Resultancia d’esta ebullición ye la organización de la primer edición del festival internacional Avilés Rock in Town, dende pasao mañana, vienres 22 de marzu, hasta’l domingu 24.

El Conceyu d’Avilés entama Rock in Town, con un cartelu de luxu, que combina recitales gratuitos y de pagu en distintos espacios de la ciudá. La pista de La Esposición, onde se va instalar una espectacular carpa con capacidá pa 3.000 espectadores, va ser el centru d’operaciones, pero la música en vivu podrá esfrutase tamién na Factoría Cultural, l’Antigua Pescadería, según en dellos establecimientos hosteleros.

Estos van ser los escenarios a los que se xuban músicos del nivel, trayectoria y siguidores de Levi Parham, Nikki Hill o Ana Popovic ente los internacionales, o Igor Paskual, Burning, Deltonos, Illegales o Tarque, ente los españoles. Al cartelu sumóse la collaboración de locales que davezu programen música en directu, arriqueciendo la ufierta de la ciudá, como la Places, la Santa Cecilia, el Calendoscopio Café y el Route 66, según los hoteles Don Pedro, La Fruta y el NH Palaciu d’Avilés.

Más información

Tamién te podria gustar