Avilés Cultura y Promoción de Ciudá va movilizar 7,2 millones

by redacción asturnews | enero 13, 2021 12:31 pm

Avilés Cultura y Promoción de Ciudá va movilizar 7,2 millones anguaño, de los qu’un millón van ser inversiones que van dir ente otres instalaciones pal Teatru Palacio Valdés, que va quedar preparái pa emitir en directu les sos representaciones, y pal Pabellón de La Madalena, que va cuntar col equipamientu técnicu necesariu para programar conciertos y eventos.

A lo llargo d’esti añu, la área de Cultura y Promoción de Ciudá del Conceyu d’Avilés va movilizar inversiones y proyectos por importe de 7,2 millones d’euros. Esta cantidá inclúi les midíes nesti ámbitu algamada dientro del Conseyu de Reactivación económica d’Avilés (CREA) y tamién inversiones venceyaes al remanente presupuestariu d’anteriores exercicios.

Esta cantidá inclúi 445.000 euros para Festexos, que ve amenorgáu’l so presupuestu daqué más de la metá respeto a los 950.000 euros de 2020. Asina lo esplicó la conceyala de l’área, Yolanda Alonso, que destacó na so comparecencia énte los medios qu’esti presupuestu escuerre cuatro grandes oxetivos estratéxicos como ciudá:

Contribuyir a la recuperación económica del sector, na condición de la cultura como factor de dinamismu económicu.
Afaer la ufierta cultural a la nueva realidá sanitaria de llucha frente a la pandemia con inversiones nos equipamientos culturales. A lo postrero, ufiertar una programación calidable afecha a la situación y a los nuevos vezos del públicu.

Más información y resume en cifres del presupuestu[1]

Endnotes:
  1. Más información y resume en cifres del presupuestu: http://aviles.es/web/guest/inicio/-/asset_publisher/iuRYQKs29WiC/content/cultura-y-promocion-de-ciudad-movilizara-7-2-millones-este-ano-de-los-que-un-millon-seran-inversiones/12305

Source URL: http://asturnews.com/aviles-cultura-y-promocion-de-ciuda-va-movilizar-72-millones/