Portada Educación Avilés convoca una residencia artística en Verona col proyectu européu “Z Elements”

Avilés convoca una residencia artística en Verona col proyectu européu “Z Elements”

by redacción asturnews

La Fundación Municipal de Cultura abrió la convocatoria pa participar na tercera de les residencies artístiques qu’entama’l Proyectu Européu Z Elements, financiáu pol Programa Europa Creativa de la Comisión Europea y lideráu per Avilés. Va Tener llugar en Verona (Italia) del 7 al 20 de xunu, y les candidatures podrán presentase hasta’l 1 d’abril.

Con una plaza disponible, van poder inscribise mayores de 18 años, con esperiencia nel ámbitu artísticu de siquier dos años y conocencies d’inglés. Tienen De presentar proyectos rellacionaos col elementu TIERRA en cualquier disciplina artística, con capacidá d’atraer a la llamada “Xeneración Z” (nacíos ente 1995 y 2005), como define’l proyectu. Van valorase favorablemente tantu los venceyaos o comenenciudos nes nueves tecnoloxíes, como los qu’investiguen sobro l’elementu TIERRA en relación coles característiques del llugar de producción.

Entamada pola Accademia de Belle Arti di Verona, la residencia va celebrase nel Ex Dogana di Fiume, asitiáu nel centru históricu de la ciudá italiana. Los otros socios del proyectu son la Fundación Municipal de Cultura; la AP University de Antwerp, Bélxica; la Association Kulturanova de Novi Sad, Serbia, y la European Art School, de Bretaña, Francia.

L’oxetivu de la residencia ye la investigación y producción presencial d’una obra artística o intervención en redol al mentáu elementu TIERRA, alternando creación y estudiu, visites a instituciones y organizaciones d’arte contemporaneo na área de Verona, según xuntes con estudiantes y profesionales del arte.

Más información

Tamién te podria gustar