Avilés convertiráse esta selmana de mayu na see del festival mundial “Pint of Science” de divulgación científica

by redacción asturnews | mayo 14, 2018 9:00 am

Per segundu añu consecutivu, Avilés sumase nes selmana de mayu  al festival de divulgación científica internacional “Pint of Science”. Sedrá esti llunes 14, martes 15 y miércoles 16 de mayu na sala “Allegro ma non troppo” del Hotel 40 nuedos, a partir de les 19.30 hores.

Tratase d’un eventu creáu nel añu 2012 por un grupu internacional d’investigadores, cola finalidá d’averar al gran públicu les grandes meyores científiques, nun formatu accesible, cercanu a una charra ente amigues y amigos como les que tienen llugar en cualquier chigre, d’ende’l nome, xuna pinta de ciencia.

Les 6 conferencies previstes n’Avilés inclúin distintos ámbitos de máxima actualidá: xenética, nanoelectrónica, medicina y ciencies sociales. Van Tener llugar del llunes 14 al miércoles 16 de mayu, na sala “Allegro ma non Troppo” del Hotel 40 Nuedos, na cai de la Fruta, con entrada llibre y gratuita hasta completar l’aforu, y siempres a la mesma hora, les 19.30 hores.

Les actividaes n’Avilés tán coordinaes pol Muséu de la Hestoria Urbana, cola collaboración de la Universidá d’Uviéu, el Conseyu Cimeru d’Investigaciones Científiques (CSIC), FADE, Caxa Rural d’Asturies y l’Asociación de Divulgación Científica d’Asturies (ADCA).

El programa ye’l siguiente:

Llunes 14 de mayu. “De los átomos a les galaxes”.

“Nanoelectrónica. ¿La próxima revolución?”. Ponente: Víctor María García.
“Legu y ADN: Nanosoluciones para grandes problemes”. Ponente: Javier F. Castañón.

Martes 15 de mayu. “El nuesu cuerpu”.

“Los primeros amigos de la vida: La microbiótica intestinal”. Ponente: Silvia Arboleya.
“¿Por qué somos supersticiosos?” Ponente: Alejandro Bascoy.

Miércoles 16 de mayu. “”La nuesa sociedá”.

“Muyer, saber, poder y cómic”. Ponente: Isabel Núñez.
“Vacuna vien de vaca”. Ponente: Evaristo Suárez.

“Pint of Science” nació nel añu 2012, y dende entós creció de forma esponencial, en sedes que la acueyen, y en públicu que lu esfruta. Asina, n’Asturies, onde al pie de Avilés tamién participen Xixón y Uviéu, na pasada edición participaron unes 1.000 persones nes charres entamaes. Esti festival va celebrar de forma simultánea en 272 ciudaes de 20 países d’Europa, América, Asia y Oceanía. España ye, al pie de Brasil, el país con más sedes, 56, siguíu de Francia con 34. Cuenta cola so propia páxina web informativa: https://pintofscience.es/[1]

Endnotes:
  1. https://pintofscience.es/: https://pintofscience.es/

Source URL: http://asturnews.com/aviles-convertirase-esta-selmana-de-mayu-na-see-del-festival-mundial-pint-of-science-de-divulgacion-cientifica/