Portada Lliteratura Avilés conmemora’l Día del Llibru con cuentacuentos, microrrelatos y Club de Lectura

Avilés conmemora’l Día del Llibru con cuentacuentos, microrrelatos y Club de Lectura

by redacción asturnews

La Biblioteques Municipales d’Avilés xúniranse esti mes a la conmemoración mundial del Día del Llibru, el vienres 23 d’abril, con actividaes en redol a esa fecha, como cuentacuentos, el Primer Concursu de microrrelatos y la xunta del Club de Lectura Bance Candamo.

El vienres 23, a les 18.00 hores, los neños y les neñes d’ente cuatro y nueve años van poder esfrutar d’un Cuentacuentos bien especial, “Don Calcetu Marioneta”, de Elísabet Martín Teatru. Y el sábadu 24, a les 12.00 hores, Bebecuentos pa los y les más pequenes, de seis meses a trés años, que se van atopar col sorprendente “Cocodrilu”, d’Ana Capiya.

Dambes hestories van emitise dende la canal de Youtube del Conceyu (https://www.youtube.com/user/AyuntamientoAviles) y la páxina de Facebook “Biblioteques Municipales d’Avilés” (https://www.facebook.com/bibliotecasmunicipalesdeaviles).

Tamién el vienres 23 fállase la primer edición del Concursu de Microrrelato “Día del Llibru”, en cuatro categoríes, de 6 a 8 años, de 9 a 12, de 13 a 18, y mayores de 18. El plazu de presentación d’obres, con un máximu de 200 palabres, títulu incluyíu, ciérrase’l miércoles 14 d’abril, a les 23.59 hores, nel corréu electrónicu mtpasarinaviles.es. Les bases completes pueden consultase nel Facebook “Biblioteques Municipales d’Avilés”.

Finalmente, el martes 27 va tener llugar una nueva xunta virtual del Club de Llectura de la Biblioteca Bárganos Candamo, nel que se va comentar la novela gráfica “Carboneres”, dedicada a les muyeres del carbón, cola participación de la so coautora, la periodista Aitana Castaño. L’alcuentru va tener llugar al traviés de la plataforma Jitsi Meet.

Tamién te podria gustar