Portada Conceyos Avilés celebra’l Día Internacional de los Museos con visites empuestes, conferencies y la recepción d’un tartán escocés

Avilés celebra’l Día Internacional de los Museos con visites empuestes, conferencies y la recepción d’un tartán escocés

by redacción asturnews

Avilés vien celebrando esta selmana’l Día Internacional de los Museos con visites empuestes, conferencies y la recepción d’un tartán escocés per corríos empuestos pol Muséu de la Hestoria Urbana d’Avilés, unu d’ellos n’asturianu, y pol Campusantu de La Carriona. 

El miércoles 18 de mayu celebrábase’l Día Internacional de los Museos. Anguaño’l lema escoyíu ye El poder de los museos, y el Muséu de la Hestoria Urbana d’Avilés (MHUA) y el Centru d’Interpretación del Campusantu de La Carriona (CICLAC) entamaron pa sumase a esta celebración cultural mundial un programa d’actividaes a lo llargo d’esa selmana con trés visites empuestes a dichos espacios y xuna conferencia.

El broche d’oru de la programación va ser la entrega a la ciudá d’Avilés del tartán diseñáu con motivu del Festival Intercélticu d’Avilés. El tartán ye la tela del traxe típicu escocés. Realizáu a base de llínees rectes de distintos colores y que se acomuñar a distintes families, cles, llugares, etc.

Por cuenta de la celebración n’Avilés del Festival Intercélticu, l’Autoridá Escocesa de Tartanes diseñó unu específicu pa la ciudá, tollo pol so compromisu a lo llargo de tantos años cola promoción de la cultura celta dende tolos sos ámbitos: música, folclor, artesanía, lliteratura.

Esti tartán ta diseñáu en base al mariellu sobro azul claro de la bandera d’Asturies, según el colloráu, verde y negru del escudu d’armes del Principáu. Como elementu d’hermandá, tamién la llínea blanca sobro’l fondu azul representa a la bandera escocesa.

Al actu, que va ser esti vienres 20 nel MHUA, amás d’autoridaes municipales y de l’Asociación Cultural Esbardu, organizadora del Festival Intercélticu d’Avilés, van asistir per parte de la Autorithy Scotland Tartans, Edward Brian  Wilton y Jhon Macleod.

Ver programa

Tamién te podria gustar