Portada Conceyos Avilés celebra’l Día Internacional de la Ciudá Educadora

Avilés celebra’l Día Internacional de la Ciudá Educadora

by redacción asturnews

Avilés va celebrar el Día Internacional de la Ciudá Educadora, que se conmemora en tol mundu’l 30 de payares y va facelo cumpliendo 21 años como integrante de l’Asociación Internacional de Ciudaes Educadores sol lema “La ciudá educadora nun dexa tras a naide”.

Dende’l llunes 22 de payares nos Centros Educativos l’alumnáu va trabayar con tolos materiales y recursos impulsaos pola Asociación Internacional de Ciudaes Educadores (AICE). Y de’l 23 de payares al 6 d’avientu tien llugar una esposición al traviés de 20 mupis distribuyíos pola tola ciudá nos que se va sopelexar y visibilizará una iniciativa na que participaron l’alumnáu de 18 Centros Educativos compartiendo cavilgues sobre les sos esperiencies y aprendizaxes vivíos mientres la pandemia. A esti material sumáronse el so propuestes p’avanzar nuna educación calidable y reivindicando el derechu a una educación pa los neños y neñes de too el mundu.

Cola idea de dexar los sos testimonios pa les xeneraciones vinientes, l’alumnáu avilesín va soterrar los sos trabayos nuna ‘Cápsula del tiempu’ por que nun futuru los neños y neñes del momentu conozan de primera man cómo se vivieron unos tiempos tan inciertos condicionaos por una pandemia de la qu’inda non se salió del tou y na que se llegó a producir un enllargáu confinamientu domiciliariu col zarru de les aules.

La resultancia d’esti procesu de reflexón nel que s’implicaron con intensidá los Centros Educativos remató nun documentu que recueye’l trabayu realizáu, un vídeu que recueye tou esti procesu y los mupis de cada unu de los Centros que van tar visibles n’Avilés dende’l día 23 de payares al 6 d’avientu.

Cabo recordar que la Cápsula del tiempu ye un proyectu desenvueltu pol Conceyu d’Avilés cola Fundación Ayuda n’Acción y enmarcáu na Campaña Mundial pola Educación MilMillonesdeVoces.

L’entierru de la Cápsula del tiempu va tener llugar el xueves 26 de payares nel parque La Ferrera cola presencia de l’alcaldesa d’Avilés, Mariví Monteserín, y representantes de l’Axencia Asturiana de Cooperación al Desenvolvimientu, la Fundación Ayuda n’Acción y los Centros escolares participantes.

Tamién te podria gustar