Avilés arriquez la programación d’avientu con un espaciu navidiegu en La Esposición

Avilés arriquez la programación d’avientu con un espaciu navidiegu en La Esposición
21 08:49 2019 Imprimir

El conceyu d’Avilés vieno acabante de facer l’anuncia de que camienta arriquecer la programación festivo y cultural de la Navidá con un espaciu navidiegu en La Esposición. L’encendíu de les lluces, que s’adelantra al 30 de payares, marca l’entamu d’un calendariu llenu de propuestes col protagonismu del públicu familiar.

Les Meanes va cuntar de nuevu cola pista de xelu y va sumar una carpa con actividaes diaries, la casa de Pá Noel, la XX Feria d’Avientu, el Mercadín de Navidá y un tren infantil. La música va ser protagonista, con recitales de villancicos, orquestes y DJs para los mozos, amás del tercer conciertu d’Añu Nuevu. La llume encenderá’l 30 de setiembre y un gran árbol transitable va presidir la plaza d’España. El Teatru Palacio Valdés programa espectáculos de circu acrobáticu, teatru musical y maxa, y el Muséu de la Hestoria Urbana, actividaes infantiles. Va Tener llugar la primer carrera de Pá Noel (con traxe para tolos inscritos) y torna L’Anguleru y el Cortexu del Nataliego.

Avilés prepárase pa unes celebraciones de Navidá qu’arriquecen una programación festiva y cultural diversa, destinada a tolos públicos,  cuantimás el familiar, y nes qu’un pobláu navidiegu en La Esposición va asitiase como epicentru de l’actividá. El completu programa y el cartelu de Navilés 2020 foi presentáu esta mañana por Yolanda Alonso, concejala de Cultura y Festexos de la ciudá.

L’encendíu de les lluces -que s’adelantra anguaño al sábadu 30 de payares (18.30 hores)- marca l’entamu d’unos festexos con muncha música, de los populares villancicos a los clásicos conciertos de Navidá y Añu Nuevu, pero tamién orquestes, y un cientu de posibilidaes de diversión y entretenimientu. Va Actuar el Coru d’alumnáu del Conservatorio Julián Orbón so la dirección d’Isabel Baigorri.

Un árbol de 12 metros d’altor, con efectos de lluces, interactivo y transitable, va presidir la plaza d’España, y en La Esposición, un renu lluminosu en 3D va faer les delicies de les neñes y los neños. La Esposición y Les Meanes van conformar la exa navidiega de la ciudá, ellí va asitiase una carpa d’actividaes na que, a partir del 20 d’avientu, va haber actuaciones musicales infantiles y para adultos, xuegos, exhibiciones deportives, cuentacuentos, maxa, verbenas… Y tornen la Feria d’Avientu, qu’algama la so XX edición, y el Mercadín Navidiegu.

Esti céntricu espaciu va cuntar con novedaes que como un tren navidiegu y la casa de Pá Noel. Y al pie de ellos, per tercer añu consecutivu, la pista de xelu. Los trés van abrir les puertes el sábadu 30 de payares. Na pista de xelu, tolos domingos d’avientu y el 5 de xineru, a les 11 hores, va ufiertase l’espectáculu infantil “Cartoon on ice”.

Coles mesmes, otra de les novedaes d’anguaño va ser la primer edición de la Carrera de Pá Noel, el sábadu 21 d’avientu na redoma de La Esposición, na que toles persones inscrites van recibir un traxe de papa Noel col que participar nesta carrera urbana navidiega.

  Categories: