Sociedá Avilés adelantra la hora d’entamu de los eventos culturales poles restricciones. by redacción asturnews 18 de xineru, 2021 written by redacción asturnews 18 de xineru, 2021 3,K La conceyalía de Cultura d’Avilés decidió recién adelantrar la hora d’entamu de los espectáculos culturales programaos na ciudá nes próximes selmanes. Failo p’afaese al nuevu horariu de restricción de la movilidá, que’l Gobiernu d’Asturies asitió a les 22 hores, frente a les 23 hores anteriores, como midida de llucha contra la pandemia. El decretu, publicáu pol BOPA el pasáu llunes 11, qu’entró a valir el xueves 14, afecta mientres lo que resta de mes de xineru a 5 eventos na Casa de Cultura y el Teatru Palacio Valdés: dos películes del Cine de los Martes, la función teatral “Una nueche ensin lluna”, y los conciertos de Leather Boys y Fuel Fandangu. Nel casu del Cine de los Martes nel Auditoriu de la Casa de Cultura, les proyecciones van ser a les 19.30 hores, en cuenta de a les 20.15 hores habituales, el 19 y 26 de xineru. A les 19.30, y nel mesmu recintu, van salir al escenariu los Leather Boys el sábadu 30 de xineru. Nel Teatru Palacio Valdés, la función Una nueche ensin lluna”, que se va representar el vienres 22 de xineru, adelantrar a les 19.15 hores, una hora antes del horariu habitual. Tamién nel teatru, el conciertu de Fuel Fandangu del vienres 29 de xineru gana media hora y va empezar a les 20.00 hores. Cine de los Martes. Auditoriu de la Casa de Cultura 19 de xineru, 19.30 hores. “Beginning”. 26 de xineru, 19.30 hores. “Pa Sama”. va caltenese’l mesmu horariu d’entamu pa toles proyecciones mientres duren les actuales restricciones. escenAvilés. Teatru Palaciu Valdés 22 de xineru, 19.15. “Una nueche ensin lluna”. Conciertos. teatru Palaciu Valdés 29 de xineru. 20.00 hores. Fuel Fandangu. Teatru Palaciu Valdés. 30 de xineru. 19.30 hores. Leather Boys. Casa de Cultura. La finalidá del adelantu horariu ye facilitar al públicu l’asistencia a los espectáculos y el regresu a los sos llugares de residencia, de forma que puedan cumplir coles llimitaciones a la movilidá, y va caltenese mientres la vixencia les nueves restricciones. 0 FacebookTwitterPinterestEmail Anterior Shakira viende toes los sos cantares a un fondu d’inversión. siguiente Telegram y Signal rexistren más descargues que WhatsApp en Llatinoamérica Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...