Portada Educación Avilés acueye’l X Alcuentru Estatal d’Educación para la Participación

Avilés acueye’l X Alcuentru Estatal d’Educación para la Participación

by redacción asturnews

Cola asistencia de más de 80 persones pertenecientes a distintes organizaciones sociales españoles Avilés acueye’l X Alcuentru Estatal d’Educación para la Participación esta fin de selmana.

L’Edificiu Fueru va acoyer, del 28 al 30 de setiembre, el décimu Alcuentru Estatal d’Educación pa la Participación, una cita que va axuntar a más de 80 persones integrantes de diverses organizaciones sociales de distintos puntos d’España. Sesiones de trabayu en grupu, visites empuestes y una obra de teatru dan forma al programa d’esti eventu qu’inclúi sesiones de trabayu en grupu alredor de propuestes d’intervención pal tresformamientu social al traviés de la participación.

“Participar pa poner la vida nel centru” ye’l lema escoyíu pa esta décima edición, respondiendo a la voluntá compartida poles organizaciones participantes de crear una ciudadanía global crítica, que participe viviegamente na construcción d’una sociedá qu’asegure la sostenibilidá medioambiental y el cuidu de la vida urbana.

Los Alcuentros d’Educación pa la Participación son un espaciu d’intercambiu, conocencia y reflexón vivencial alredor de les propuestes d’intervención participativa pal tresformamientu social. Nacieron del impulsu de dos entidaes: Colectivu d’Educación para la Participación (CRAC) d’Andalucía, y Acudex, d’Estremadura. Na actualidá sumáronse los siguientes colectivos: Texendo Redes (Madrid), La Caracola (Asturies) y La Espiral (Córdoba).

Dempués de nueve ediciones, los organizadores escoyeron per primer vegada una ciudá del norte pa desenvolver esti alcuentru, en celebrándose en Cádiz, Cáceres, Tenerife, Zafra (Badayoz), Madrid, Torrellas (Zaragoza), Quart de Poblet (Valencia) y Córdoba.

Les persones que participen nel Alcuentru agospiaranse nel Edificiu Fuero, que va allugar tamién les sesiones de trabayu y los espacios d’alcuentru y alderique, gracies a la collaboración del Conceyu d’Avilés. Ta prevista igualmente una actividá complementaria: la representación de la obra “Tiraña na Memoria: 80 años construyendo la vida y danciando el dolor”, al cargu de la Escuela de Circu y Danza de La Caracola Iniciatives Sociales. Va Ser el próximu sábadu 29 de setiembre a les 20:30 hores na Casa de Cultura.

Ver programa completu

Tamién te podria gustar