Avilés acueye’l “I Taller Internacional Alertools: Estratexes Científiques y Educatives pa la Detección Temprana de Bioinvasiones

Avilés acueye’l “I Taller Internacional Alertools: Estratexes Científiques y Educatives pa la Detección Temprana de Bioinvasiones
12 ochobre 14:24 2016 Imprimir

Los díes 13, 14 y 15 d’ochobre va desenvolvese n’Avilés Altertools en trés sedes distintes: Centru Cultural Niemeyer, Palaciu de Valdecarzana y Xardín Botánicu Atlánticu de Xixón. Van Participar profesores ya investigadores d’Alemaña, Croacia, Lituania, Reinu Uníu, Francia, Canadá, Nueva Zelanda y España.

El conceyal de Promoción Empresarial, Manuel Riola, participó esti día na presentación del “I Taller Internacional Alertools: Estratexes Científiques y Educatives pa la Detección Temprana de Bioinvasiones” (1st International Alertools Workshop: Science & Educational Strategies for Early Detection of Bioinvaders), que se va llevar a cabu ente’l 13 y el 15 d’ochobre nel Centru Cultural Niemeyer d’Avilés, el Palaciu de Valdecarzana n’Avilés, y el Xardín Botánicu Atlánticu de Xixón.

Los profesores Eduardo Dopico y Yaisel Borrel Pichs tuvieron presentes na rueda de prensa. Formen parte del equipu de profesores ya investigadores de los departamentos de Bioloxía Funcional y Ciencies de la Educación de la Universidá d’Uviéu que lideraron el Proyectu I+D+i MINECO CGL2013-42415-R y qu’entamen esti Taller. Dambos esbillaron el programa y oxetivos del Taller que va axuntar  a espertos de reconocida trayectoria académica ya investigadores en formación, d’Alemaña, Croacia, Lituania, Reinu Uníu, Francia, Canadá, Nueva Zelanda y España.

Campa treslladó a los organizadores el prestu del equipu de Gobiernu municipal por escoyer la ciudá como una de les sedes d’esti seminariu internacional”. Según les sos palabres, confirma “la capacidá de la ciudá como anfitriona pa eventos de tipu técnicu y científicu d’ámbitu nacional y tamién internacional, como yá asocedió cola xunta del proyectu de Fusión Nuclear JT-60SA / Asturfeito celebrada en xunetu o con seminariu internacional que, güei y mañana, axunta na ciudá a una ventena d’investigadores ya historiadores de 7 países en redol a la edición diplomática del documentu notarial y conceyil na era dixital”.

Tamién se refirió a dos importantes cites congresuales nacionales programaes pa esti mes n’Avilés: el  VIII Congresu d’Enfermería d’Atención Primaria y el 10º Congresu Nacional d’Ergonomía y Psicosociología.

Ver programa

  Categories: