Avilés acueye una xornada sobro la iniciativa “Cuerpu Européu de Solidaridá”

Avilés acueye una xornada sobro la iniciativa “Cuerpu Européu de Solidaridá”
12 abril 09:00 2019 Imprimir

El Palaciu de Valdecarzana d’Avilés cueye una xornada informativa sobro la iniciativa “Cuerpu Européu de Solidaridá” evienres 12 d’abril, a partir de les 10 hores.

Tratase d’un nuevu programa de la UE empobináu a moces d’ente 18 y 30 años que van collaborar en proyectos en beneficiu de comunidaes y ciudadanos de toa Europa. La xornada va cuntar con un taller prácticu, con inscripción previa, sobro’l diseñu de Proyectos Solidarios pa mozos dientro d’esti programa. El vienres 12 d’abril, a partir de les 10 hores.

El Palaciu de Valdecarzana acueye esti vienres 12 d’abril una xornada informativa sobro’l Cuerpu Européu de Solidaridá”, un nuevu programa de la Unión Europea pa los ámbitos del voluntariáu xuvenil y la solidaridá. La cita ta entamada pola Oficina de Movilidá Xuvenil Internacional d’Avilés “Europa Equí”.

L’oxetivu de la xornada, presentada esta mañana pola concejala de Mocedá, Raquel Ruiz, ye doble. Per un sitiu, pretende apurrise una visión xeneral de les posibilidaes y novedaes que presenta esti nuevu programa européu pa les persones nueves y pa les que trabayen con moces. Per otru llau, va faese balance sobro los beneficios que los proyectos de voluntariáu internacional dexaron n’Avilés y nos sos mozos.

La xornada va entamar a les 10 hores cola inauguración al cargu de la conceyala de Mocedá, Raquel Ruiz. Darréu va celebrase una mesa redonda que va analizar la repercusión local de los proyectos de voluntariáu européu. A les 11:30 hores va empezar la charra titulada “Programa Cuerpu Européu de Solidaridá, retos de futuru”, que va cerrar la vez mañanera. Va Correr al cargu de Simonne Luchi, formador de l’Axencia Nacional Española.

A partir de les 18 hores, va celebrase un taller prácticu sobro los criterios d’ellaboración pa la presentación de Proyectos Solidarios pa mozos nel marcu del programa Cuerpu Européu de Solidaridá. La participación nesti taller rique inscripción previa por aciu corréu electrónicu a la dirección europaquigmail.com.

El Cuerpu Européu de Solidaridá ye una nueva iniciativa de la Unión Europea que’l so oxetivu ye crear oportunidaes por que los mozos trabayen como voluntarios o collaboren en proyectos -nos sos propios países o nel estranxeru- que beneficien a comunidaes y ciudadanos de toa Europa.

Los mozos que participen nel Cuerpu Européu de Solidaridá van aceptar y van defender los sos oxetivos y principios. Pa inscribise nél tendrán de tener a lo menos 17 años, nun pudiendo empezar el proyectu hasta cumplir los 18. Nos proyectos del Cuerpu Européu de Solidaridá van poder participar persones d’hasta 30 años d’edá.

Ver programa completu

  Categories: