Portada Conceyos Avilés acueye un alcuentru sobro l’aprendizaxe na mocedá

Avilés acueye un alcuentru sobro l’aprendizaxe na mocedá

by redacción asturnews

Avilés va acoyer los díes 19, 20 y 21 de payares, nel Edificiu Fueru, un alcuentru internacional centráu nel ámbitu del aprendizaxe xuvenil, dientro del proyectu européu “Demo Youth: Aprendiendo a aprender a lo llargo d’Europa”.

L’asociación Ye Too Ponese coordina en collaboración col Serviciu de Mocedá d’Avilés esti proyectu incluyíu nel Programa Erasmus+, dedicáu al diálogu ente mozos y responsables de la ellaboración de polítiques públiques.

Nesti alcuentru van participar 30 mozos, trabayadores xuveniles y responsables de tomar de decisiones procedentes de Sisak (Croacia) y Vizela (Portugal) y Avilés. Cada delegación va cuntar con 10 integrantes. L’oxetivu ye afondar nel ámbitu del aprendizaxe xuvenil, siguiendo la Estratexa Europea de la Mocedá 2019-2027, ya integrando la Meta de la Mocedá númberu 8: Aprendizaxe calidable pa toos, consistente en “integrar y ameyorar les distintes formes d’aprendizaxe, forniendo a les persones nueves pa los desafíos d’una vida en constante cambéu nel Sieglu XXI”.

Mientres esti alcuentru analizarase’l conceutu d’aprendizaxe en sí mesmu, identificando tipos, estilos, ámbitos d’actuación, espacios, etc. Los y les participantes van tener la oportunidá d’intercambiar bones práctiques nesti ámbitu a nivel local nun contestu internacional, y van trabayar xuntos na detección de necesidaes y faltes nesta temática.

Finamente, nuevos y responsables de toma de decisiones en xunto, xuntu con otros axentes educativos de la ciudá, van proponer soluciones y métodos innovadores qu’ameyoren la situación, teniendo en cuenta les necesidaes detectaes. Mientres esti procesu, les persones nueves van aprender amás sobro cómo tienen llugar los procesos de toma de decisiones en materia de mocedá y educación a nivel local.

L’alcuentru concíbese como una oportunidá pa cavilgar sobro’l papel que nesti ámbitu tienen les alministraciones locales, ente que les sos competencies tamién ta l’aprendizaxe de la mocedá, qu’asocede perdayuri, en distintes formes y a múltiples niveles.

Nesta cita, les y los mozos van poder realizar verdadera incidencia política pa implementar meyores nel so propiu aprendizaxe a nivel local, siendo conscientes de les necesidaes de la so propia comunidá, lo mesmo que de los sos puntos fuerte y bonu práctiques.

Ta confirmada la presencia nel alcuentru de les concejalas de Mocedá, Raquel Ruiz, y d’Educación, Nuria Delmiro. Tamién tán convidaos el restu de conceyales de la corporación municipal, según otros axentes educativos locales comenenciudos n’apurrir idees y posibles soluciones de meyora nel ámbitu educativu.

Más información

Tamién te podria gustar