Portada Plástiques Avilés acueye’l I Salón Manga esta fin de selmana

Avilés acueye’l I Salón Manga esta fin de selmana

by redacción asturnews

El I Salón Manga d’Avilés celebrase esta fin de selmana (sábadu 28 y domingu 29 de 10:30  a 22 hores) na Cortil Ferial de La Madalena, con accesu gratuitu a toles sos actividaes.

L’actu d’inauguración ta previstu pal sábadu a les 11:30 hores cola participación de Raquel Ruiz López, conceyala de Mocedá del Conceyu d’Avilés, y Luis Lorenzo Cases Guerra, presidente de l’Asociación Nikaku-Dan.

Esti Salón, impulsáu dende la Conceyalía de Mocedá cola Asociación Xuvenil Nikaku- Dan va cuntar con múltiples actividaes distribuyíes per zones de videoxuegos, tiendes especializaes, artesanía, entidaes y asociaciones, artistes, xuegos de mesa, talleres, escenariu, conferencies y espaciu polivalente.

Ye’l primer Salón d’esti tipu que se celebra n’Avilés, una convención de manga anime y videoxuegos enfocada sobremanera a un públicu nuevu y friki, ensin arrenunciar a un fuerte componente cultural pa toes aquelles persones movíes por un interés muncho más cultural en redol a Xapón.

Va Haber talleres, concursos, torneos, puestos de dibuxantes, artesanos y munches tiendes temátiques rellacionaes col mundu de la Manga y del Anime. Cabo destacar:

Concursos

  • Cosplay: Sábadu 28 de 18 a 20 hores.
  • Karaoke: Domingo 29 de 16 a 18hores.
  • Cover- Dancie: Domingo 29 de 18 a 20 hores.

Conferencies

  • “Xapón, la meca de la robótica”: Domingo 29 de 11 a 12 hores.
  • “Influencia de la Cultura China en Xapón y la Manga”: Domingo 29 de 13 a 14 hores.
  • Mesa Redonda sobre Cosplay: Domingo 29 de 16 a 18 hores.
  • La influencia de la Bomba Atómica en Xapón: Domingo 29 de 18 a 19 hores.

Talleres

  • Dibuxo Manga: Sábadu 28 de 11 a 12 hores.
  • Sushi: Sábadu 28 de 12 a 13 hores.
  • Sarubobo: Sábadu 28, de 13 a 14 hores.
  • Mochi: Sábadu 28 de 14 a 15 hores.
  • Corones florales: Sábadu 28 de 16 a 17 hores.
  • Fieltru: Sábadu 28 de 17 a 18 hores.
  • Bixutería: Sábadu 28 de 18 a 19 hores.
  • Origami: Sábadu 28 de 19 a 20 hores y Domingo    29 de 11 a 12 hores.
  • Hama Beads: Sábadu 28 de 20 a 21 hores y Domingo    29 de 19 a 20 hores.

Más información: http://www.salondelmangadeasturias.es/

Tamién te podria gustar