Avilés acueye les xornaes “La Ruta de les estrelles. El Camín de Santiago na Edá Media”

Les xornaes “La ruta de les estrelles. El Camín de Santiago na Edá Media” entamaes pola conceyalía de Cultura cola collaboración de la Universidá d’Uviéu desenvolviéronse mientres los díes 5 y 6 d’ochobre nel Palaciu de Valdecarzana con muncha participación de públicu.

Amás d’estes xornaes entamó a esibise nel Muséu de la Hestoria Urbana d’Avilés una esposición que va poder contemplase hasta’l 10 d’avientu. Tantu les xornaes como la esposición tienen como oxetivu la profundización na investigación histórica del nuesu pasáu al traviés del Camín de Santiago y l’homenaxe a la figura de Juan Ignacio Ruiz de la Peña, medievalista que dedicó una parte de la so obra al estudiu de la hestoria d’Avilés y que finó l’añu pasáu.

Na relación de ponentes figuraben destacaos medievalistes españoles, yá presentes n’Avilés nes xornaes del 2010 y 2011. Ente ellos el coordinador de les xornaes, Miguel Caleya Puerta, miembru del departamentu d’Hestoria de la Universidá d’Uviéu y parte fundamental nos trabayos d’investigación que confirmaron l’autenticidá del segundu exemplar del Fueru d’Avilés nel añu y la cronista d’Avilés, María Josefa Sanz Fuentes.

Nel marcu de les xornaes, María Josefa Sanz Fuentes tamién empuso’l vienres 6 un percorríu urbanu del Camín n’Avilés que llevaó a les persones asistentes al traviés del cascu históricu de la villa.

Coincidiendo cola celebración de les xornaes inaugurose la esposición homónima que se va amosar nel Muséu de la Hestoria Urbana. L’amuesa ta diseñada y comisariada por José Antonio Álvarez Castrillón, profesor del Departamentu de Ciencies de la Educación de la Universidá d’Uviéu, Cronista Oficial de Los Oscos y coordinador d’actividaes del Real Institutu d’Estudios Asturianos.

Como n’anteriores proyectos del muséu y d’otros trabayos del doctor Álvarez Castrillón, desenvolver nun tonu eminentemente didácticu  con cuenta d’una vegada remate la so exhibición nel muséu, a lo llargo del primer semestre del próximu añu 2018 percuerra los centros educativos avilesinos.