Avilés acueye la esposición “Muñeques”, un alegatu contra la violencia de xéneru

Avilés acueye la esposición “Muñeques”, un alegatu contra la violencia de xéneru
13 09:50 2018 Imprimir

La Casa de Cultura acueye esti mes, hasta’l domingu 25 de payares, la esposición fotográfica “Muñeques”, un alegatu contra la violencia de xéneru. El so autor, el fotógrafu uruguayu Sergio Sabini, entemez imaxes de muñeques tomaes en distintos mercaos de segunda mano, con testos qu’aluden a la violencia exercida contra les muyeres.

Abandonaes, rotes, foliaes. Asitiaes comoquier ente oxetos vieyos o inservibles. Esta visión de les muñeques, definíes como “figura de muyer de cualquier edá que sirve como xuguete” -nos puestos de vienta d’oxetos de segunda mano, nos rastros- inspiró al fotógrafu Sergio Sabini Celio pa tomar una serie d’imaxes que lu sirvieren como alegatu contra la violencia de xéneru. Asina nació “Muñeques”, xuna amuesa que podrá visitase dende mañana xueves, y hasta el 25 de payares na sala d’esposiciones de la Casa de Cultura d’Avilés.

Entamada pola conceyalía de Cultura d’Avilés al traviés de la Fundación Municipal de Cultura, la potencia de les imaxes tomaes por Sabini de muñeques enteres y tullíes, vistíes y desnudes, acompañasde testos, de soníos, de diapositives con descarnaos testimonios, artículos, entevistes en radios, en periódicos, de muyeres que sufrieron en primer persona esti problema estructural de la sociedá. Como reflexa Sergio Sabini, l’amuesa intenta ayudar a tomar de conciencia contra’l machismu y la violencia qu’este exerz en toles sos formes sobro la muyer y la so redolada afeutiva. Componer d’ocho series de fotografíes, acompañada caúna d’elles por un testu, representativu de la idea de discriminación y correspuéndense convenientemente coles imaxes. Yá se pudo contemplar en distintos puntos de la xeografía española, dende Barcelona a Córdoba.

La esposición podrá visitase hasta’l 25 de payares na sala d’esposiciones de la Casa de Cultura d’Avilés. N’horariu de llunes a vienres de 11 a 14 y de 18 a 21 hores, y los sábados, de 11 a 14 hores.

Sergio Walter Sabini Celio nació en 1951 en Montevideo, Uruguai. En 1973 estableciose en Barcelona, y desenvolvió la so actividá profesional na área de les ciencies empresariales, compartiendo cola afición pola fotografía y la cerámica. Ye autor del llibru “L’alfarería rellacionada colos animales” y de numberosos artículos d’investigación y divulgación sobro alfarería español. Como fotógrafu, los sos trabayos amuesen un marcáu interés polos problemes de la sociedá, la naturaleza, y tamién pola fotografía de músicos de jazz.

  Categories: