ConceyosEducación Avilés acoyó’l III Alcuentru de trabayu de la Rede “Ciudaes Atentes. Educando nos Bonos Tratos” by redacción asturnews 11 de payares, 2019 written by redacción asturnews 11 de payares, 2019 105 Avilés acoyó’l III Alcuentru de trabayu de la Rede “Ciudaes Atentes. Educando nos Bonos Tratos” el xueves 7 y el vienres 8 de payares nel Centru de Servicios Universitarios. L’oxetivu foi ameyorar y reforzar polítiques d’acoyida atentes que xeneren espacios y relaciones de convivencia positiva ya integradora. Dientro de la Rede de Ciudaes Educadores (RECE). La conceyala d’Educación, Nuria Delmiro, dio la bienvenida esti xueves a los y les representantes de les 16 ciudaes que conformen la Rede de Ciudaes Atentes: Educando nos Bonos Tratos, que llidera Avilés dende l’añu 2018 dientro de la Rede de Ciudaes Educadores (RECE). La Rede celebró’l xueves y el vienres n’Avilés el so III Alcuentru, que supon el final d’un trabayu realizáu a lo llargo d’estos años y que tien como oxetivu poner a disposición de tolos Conceyos que conformen esti grupu de ciudaes un documentu que facilite a aquellos conceyos qu’asina se lo propongan diseñar polítiques municipales para la construcción d’una ciudá atenta ya integradora onde los bonos tratos y les relaciones positives sían la exa central de les polítiques públiques. A lo llargo d’estos años, Avilés llideró una dinámica de trabayu que, al traviés de 3 Alcuentros presenciales y el trabayu vía electrónica y telefónica, promoviendo la formación, reflexón, analís y ellaboración d’un documentu que la mesma ciudá d’Avilés pretende promover ya implementar p’ameyorar y reforzar polítiques d’acoyida atentes que xeneren espacios y relaciones de convivencia positiva ya integradora ente toles persones. Dende los sos entamos esta Rede ta sofitada dende’l Grupu de Trabayu de Bonos Tratos creáu nel Conceyu d’Avilés en 2006. Esti grupu participó y participa na organización, desenvolvimientu y conteníos de la Rede, la única del país onde participen axentes de tola comunidá educativa: distintos departamentos municipales, Conseyería d’Educación, Universidá, Centru del Profesoráu y de Recursos d’Avilés, Centros Educativos, AMPAS y entidaes sociales que trabayen nel ámbitu de la Educación. 0 FacebookTwitterPinterestEmail Anterior ARCOmadrid 2020 apuesta pola innovación y les galeríes internacionales siguiente Leila Guerriero gana’l XIV Premiu de Periodismo Manuel Vázquez Montalbán Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles