Avilés Acción va acoyer una clase maxistral del director Jaime Rosales

Avilés Acción va acoyer una clase maxistral del director Jaime Rosales
26 abril 09:18 2019 Imprimir

Una clase maxistral del director Jaime Rosales, galardonáu con dos premios Goya por La Soledá”, va ser una de les novedaes dela programación del Avilés Acción Film Festival 2019. Van tratase nella temes como les fases de la creación o la naturaleza de la obra cinematográfica. 

Avilés Acción Film Festival va acoyer el 15 de mayu una clase maxistral que va ser impartida pol director de cine Jaime Rosales, que va tener llugar a les 11:00 hores na Factoría Cultural. Rosales, galardonáu en 2007 con dos premios Goya a Meyor Película y Meyor Director por La soledá”, va intercambiar colos asistentes les esperiencies de la so carrera como cineasta.

La clase maxistral ufiertada por Rosales va tener una duración de dos hores y media, nes que va tratar temes como:

  • La naturaleza de la obra cinematográfica: el cine como arte ya industria, creación artística vs. artesanía, tener una idea fílmica.
  • Introducción a les trés fases de la creación: ideación, fabricación y comercialización.
  • Reflexones sobro praxis cinematográfica: vocación artística, ideales artísticos, el celuloide, praxis de Jaime Rosales, reflexones sobro la nuesa dómina y midíes.

La clase maxistral va ser gratuita con places llindaes y les inscripciones pueden formalizase al traviés de la páxina web del festival (www.avilesaccion.com).

El director va presentar el día antes -14 de mayu- la so nueva película, “Petra”, incluyida na amuesa de llargumetraxes del festival avilesín. El filme foi nomáu a numberosos premios como los Feroz, Fénix, Forqué, y del Cine Européu; llogrando un Premiu Gaudí al Meyor Actor de Repartida (Oriol Pla).

  Categories: