‘Avilés Acción Film Festival’ estrena nuevu cartelu, anuncia finalistes y avanza programación

‘Avilés Acción Film Festival’ estrena nuevu cartelu, anuncia finalistes y avanza programación
20 abril 09:00 2016 Imprimir

Les 17 cintes finalistes de les secciones Oficial y Asturies del ‘Avilés Acción Film Festival’ van repartir premios por importe total de 6.500 euros.

La conceyala de Cultura, Yolanda Alonso, presentó esta selmana pasada’l nuevu cartelu del festival de cortometraxe ‘Avilés Acción Film Festival’, los títulos finalistes de la XV edición y una meyora del que va ser el so programa.

El cartelu foi diseñáu pol diseñador ya ilustráu avilesín Roberto Rodríguez, artista formáu na Facultá de Belles Artes de Bilbao (UPV) que’l so trabayu va dende’l diseñu tradicional a la ilustración más contemporanea.

Esti nuevu cartelu sumase al cambéu na duración del festival -qu’anguaño crez y celébrase mientres 7 díes (del 21 al 28 de mayu)-. Son cambeos que reflexen la evolución y la crecedera del certame. Una evolución que queda patente con acreditaciones como’l Certificáu AIC calidable pa Festivales de Curtiumetraxe que “Avilés Acción Film Festival” acaba de recibir ente los más de 300 festivales qu’hai n’España. Ésta ye una distinción añal pa estremar y premiar a los festivales que realicen una función exemplar pal espardimientu, protección y profesionalización del cine y la so industria, y n’especial del curtiumetraxe. Amás tamién se abre la inscripción pal Taller d’Efectos Visuales que va impartir Giuliano Cavalli, director del Festival Internacional de Cine de Barranquilla, que hermanóse col festival avilesín dende anguaño.

Per otru llau, Javier Mediavilla (director del festival) presentó la llista de finalistes de la Sección Oficial y la Sección Asturies:

Los finalistes de la Sección Asturies 2016 son:

“Fu Guo” (Sandía Amargosa) de Roberto F. Canutu y Xiaoxi Xu
“Cunta con nós” de Pablo Vara “Microondes”
de Kiko Prada
“Chindasvinto” de Javier Gutiérrez
“Bisarma” de David Muñiz
“Marceline Blurr” de Nadia Matu

Opten a los siguientes premios:

Premiu del Xuráu a la Sección Asturies (500 euros)
Premiu del Públicu a la Sección Asturies (500 euros).

Los finalistes de la Sección Oficial 2016 son:

“Setiembre” de Jorge Castillo “Nun
albortamos” d’Alberto Rodríguez
“Napoleón y yo” de Ander Duque “Mañana nun
ye otru día” de David Martín
“L’aspirante” de Juan Gautier
“Annas Augen” de Beatriu Vallès
“Graffiti” de Lluís Quílez
“Take Away” de Jorge Cantares
“Break In” de Mikel Aristegui
“En Alabama, sí” de Pablo Lapastora
“Plumbing, sex and the rise” de Dani Rodríguez, Dani Pérez Prada&SinenaPunk

Opten a los siguientes premios:

Premiu del Xuráu. 1.500 euros
Premio del Públicu. 1.000 euros
Premio Nuevu.1.000 euros
Premio Dirección de Producción. 500 euros
Premio Meyor Guión. 500 euros
Premio Meyor Actor. 500 euros
Premio Meyor Actriz. 500 euros

 

  Categories: