Avilés Acción Film Festival cumple 20 años con récord de participación

Avilés Acción Film Festival cumple 20 años con récord de participación
21 setiembre 09:12 2021 Imprimir

Avilés Acción Film Festival celebra’l so XX aniversariu del 2 al 9 d’ochobre, cuntando cola Casa Municipal de la Cultura d’Avilés como see principal, y recuperando una selmana de duración y  la presencialidá, depués d’algamar más de 700 obres inscrites y 22 curtios finalistes.

Esta ventiava edición vuelve bater el so récord de participación, con más de 700 obres inscrites y un total de 22 curtiumetraxes finalistes que van competir nes secciones Oficial I ya II, Sección Asturies y Sección Medioambiente.

Entamáu pola conceyalía de Cultura d’Avilés, col patrociniu d’Asturiana de Cinc, de COGERSA, y la collaboración de la TPA, foi presentáu esta mañana por Yolanda Alonso, concejala de Cultura y Promoción de Ciudá d’Avilés, acompañada por Javier Mediavilla, director del festival, y José Ángel Lázaro, programador del mesmu.

Alonso destacó “la capacidá d’atracción del festival, cola alta demanda para participar, certificada con un nuevu récord d’obres de peralta calidá, como se va comprobar coles finalistes”. Coles mesmes, quixo resaltar “la importancia de recuperar cierta normalidá, tres la edición del añu pasáu, y siempres de forma segura” y remarcó “el compromisu del Festival cola educación, como complementu na formación de los y les estudiantes de los nuesos institutos, incentivando la so participación y convirtiendo Avilés nun plató bien especial”.

Entre los trabayos presentaos, obres cola autoría de cineastes de la talla del avilesín David Rodríguez Muñiz, o los hermanos Fesser, entre otros. Amás y como ye habitual, va cuntar con una Amuesa onde se van proxectar llargumetraxes tantu internacionales, como nacionales y asturianos de gran sonadía, entre los que destaquen títulos como “El fuexu”, “Ane” y “The Cove”, entre otros.

Más información

  Categories: